Zań jobasy birinshi kezekte jınalǵan qaldyqtar kóleminiń artýy sekildi ekologııalyq máseleni sheshýge baǵyttalǵan
ASTANA. 31 mamyr. QazAqparat - Búgin Májilistiń Ekologııa máseleleri jáne tabıǵat paıdalaný komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgerister men tolyqtyrýlar engizý týraly» zań jobasy talqyǵa salyndy.
Májilistiń Ekologııa máseleleri jáne tabıǵat paıdalaný komıtetiniń tóraǵasy Erlan Nyǵmatýlın kirispe sóz sóılep, atalǵan zań jobasynyń tabıǵatty jáne el azamattaryn qorǵaýda mańyzy zor ekenin aıtyp ótti.
Zań jobasynyń maqsaty jóninde QR Qorshaǵan ortany qorǵaý mınıstri Nurǵalı Áshim baıandama jasady. Mınıstr óz sózinde zań jobasy el Prezıdentiniń tapsyrmasyn oryndaý maqsatynda memleketimizdiń 2020 jylǵa deıingi Strategııalyq josparyna sáıkes daıyndalǵanyn jetkizdi.
Bul zań jobasy Qazaqstan Úkimetiniń 2010 jylǵa arnalǵan zań jobalar jumysy josparyna sáıkes ázirlengen. Birqatar zańnamalyq aktilerge ózgerister men tolyqtyrýlar engizý usynylady. Atap aıtqanda, Ekologııalyq, Qylmystyq, Salyq, Bıýdjet kodeksterge, «Ákimshilik quqyq buzýshylyqtar týraly» Kodekske jáne basqa zańdarǵa túzetýler engizilmek.
«Ákimshilik quqyq buzýshylyqtar týraly» kodekske Ekologııalyq kodekstiń qazirgi normalarynda kózdelgen talaptardyń oryndalýyn qamtamasyz etý maqsatynda quqyq buzýshylyqtardyń jiktelgen quramy usynylady.
Zań jobasy birinshi kezekte jınalǵan qaldyqtar kóleminiń artýy sekildi ekologııalyq máseleni sheshýge baǵyttalǵan.
2009 jylǵy 26 naýryzdaǵy Zańmen Qazaqstan BUU-nyń Klımattyń ózgerýi týraly negizgi konventsııasyna Kıoto hattamasyn ratıfıtsııalady. Kıoto hattmamasynan týyndaıtyn mindettemelerdi oryndaý parnıktik gaz shyǵaryndylaryn retteýdiń ulttyq júıesin qurýǵa, atmosferaǵa antropogendik shyǵaryndylar deńgeıin tómendetýdi kózdeıtin ulttyq saıasat júrgizýge baǵyttalǵan.
Zań jobasy boıynsha qurylǵan jumys tobynyń jetekshisi, Májilistiń Ekologııa máseleleri jáne tabıǵat paıdalanýkomıtetiniń múshesi Vladımır Nehoroshev 14 otyrys ótkizilgenin, áriptesterinen 500-den astam usynystar kelip túskenin aıtty.
Májilis depýtattary Valerıı Kotovıch, Darıa Klebanova, Ashat Bekenov, Maral Iteǵulov, Serik Qonaqbaev, Vıktor Kııanskıı, Alııar Jarasbaev, Qylyshbaı Bısenov, Táńirbergen Berdońǵarov, Aıtkúl Samaqova jáne Valerıı Doskalovtardyń qoıǵan suraqtary boıynsha QR Qorshaǵan ortany qorǵaý mınıstri Nurǵalı Sádýaqasuly jaýap berip, zań jobasynda kózdelgen zańdyq normalar tóńireginde túsinik berdi.
Májilistiń Ekologııa máseleleri jáne tabıǵat paıdalaný komıteti atalǵan zań jobasyn Palatanyń jalpy otyrysynda birinshi oqylymda qaraýǵa usynys jasaý jóninde ortaq sheshimge keldi.
