Zań jobasy azamattardyń Qazaqstan Konstıtýtsııasynyń 18-babynda kepildik berilgen quqyqtaryn qorǵaýdy kózdeıdi
ASTANA. Qarashanyń 3-i. QazAqparat /Aıdyn Báımen/ - Keıbir zańdarǵa azamattardyń jeke ómirine qol suǵylmaýshylyq quqyqtaryn qorǵaý máselelerine qatysty zań jobasy Májilistiń jalpy otyrysynda birinshi oqylymda talqyǵa salýǵa daıyn.
Májilistiń Zańnama jáne sot-quqyqtyq reforma komıteti osyndaı qorytyndy shyǵaryp otyr, dep habarlaıdy QazAqparat.
Bul zań jobasy QR Qaýipsizdik Keńesiniń 2007 jylǵy qarashanyń 15-degi hattamalyq sheshimin oryndaý úshin ázirlengen bolatyn.
Qujat azamattardyń Qazaqstan Konstıtýtsııasynyń 18-babynda kepildik berilgen quqyqtaryn zańmen qorǵaýdy kózdeıdi. Atap aıtqanda, azamattardyń jazysqan hattarynyń, telefon arqyly sóılesken sózderiniń, poshta, telegraf arqyly nemese basqa joldarmen alysqan habarlarynyń qupııasyn zańsyz buzǵany úshin jaýapkershilikti qatańdatý qarastyrylǵan.
Zań jobasyn jumys tobynda qaraý barysynda depýtattar osy qujattyń keıbir zańnamalyq normalaryn Ata zań men basqa da zańdarǵa sáıkes keltirý maqsatynda túzetýler engizgen.
Zań jobasy erteń, qarashanyń 4-i kúni ótetin Palatanyń jalpy otyrysynyń kún tártibine usynylyp otyr.
