Zań jobasy arqyly munaı ónimderin jetkizýshilerdi akkredıtteý rásimi qarastyrylyp otyr

Bul týraly búgin QR Parlamenti Májilisiniń jalpy otyrysynda «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» zań jobasy boıynsha baıandama jasaǵan Munaı jáne gaz mınıstri Saýat Myńbaev málim etti.

Mınıstrdiń aıtýynsha, zań jobasynda ókiletti organdardyń fýnktsııalary naqtylanyp, birshama shekteýler de qamtylyp otyr. Munyń ózi munaı ónimderin óndirý men onyń aınalymyn retteý salasyndaǵy memlekettik basqarý júıesin tártipke keltirýge múmkindik beredi. «Ekinshiden - mańyzdy áleýmettik máni bar, sondaı-aq el ekonomıkasyna eleýli áser etetin munaı ónimderiniń bólshek saýdadaǵy baǵalaryn memlekettik retteý tetigin qurý kózdeldi. Úshinshiden - munaı ónimderiniń kóterme saýdada satý naryǵyna kirýi úshin biliktilik talaptaryn bekitý arqyly munaı ónimderiniń naryǵyn tártipke keltirý kózdelip otyr. Bul rette munaı ónimderin jetkizýshilerdi akkredıtteý rásimi de kózdeledi. Bul jaǵdaı naryqtaǵy básekelestikti damytýǵa keri áserin tıgizetin deldaldyq qurylymdardy naryqtan ketirýdiń tıimdi joly dep esepteımiz», - deıdi qujat boıynsha baıandaǵan mınıstr Saýat Myńbaev. Onyń aıtýynsha, zań jobasy munaı óńdeý zaýyttaryna barlyq jetkizýshilerdiń teńdeı qoljetimdiligine múmkindik beretin birqatar erejelerdi de qamtıdy. Budan bólek, munaı ónimderiniń óndirisi men onyń aınalym naryǵyn retteý tetigi elimizdiń aımaqtaryndaǵy otandyq munaı óńdeý zaýyttarynda óńdelgen munaı ónimderiniń kepildi túrde jetkizilimin qamtamasyz etetin bolady. «Sonymen qatar, zań jobasy boıynsha Qarjy mınıstrligine munaı ónimderiniń aınalymyna baqylaý júrgizetin ókilettik beriledi. Atalǵan baqylaýdy júrgizý munaı ónimderi aınalymy boıynsha deklaratsııalardy, ilespe júk qujattaryn, sondaı-aq atalǵan eseptik baqylaý quralynyń málimetterin taldaýdy júzege asyrýǵa múmkindik beredi. Bul óz kezeginde memleket tarapynan munaı ónimderi aınalymyna baqylaýdy jeńildetedi. Sondaı-aq, zań jobasynda jeke qýattar esebinen munaı ónimderiniń barlyq túri men ishki naryqty tolyq kólemde qamtamasyz etý jáne olardyń sapasyn eń úzdik álemdik standarttarǵa jetkizýge múmkindik beretin tehnologııalyq qondyrǵylardy jetildirýdi júzege asyratyn munaı óndirýshiler úshin eleýli yntalandyrý bolyp tabylatyn sharalar qamtylady. Bul rette munaı óndirýshilerdiń osy baǵyttaǵy ınvestıtsııalyq baǵdarlamasyn bekitýge qatysty jańa normalar paıda boldy. Sonymen qatar, munaı óńdeý zaýyttaryna munaı jetkizýden bastap daıyn ónimderdi túpkilikti tutynýshylarǵa jetkizgenge deıingi munaı ónimderiniń óndirisi jáne onyń aınalymy monıtorıngin júzege asyrý tetigi de kózdeldi. Bul óz kezeginde respýblıkanyń barlyq óńirlerinde munaı ónimderimen tıisinshe qamtamasyz etý úshin jedel yqpal etýge múmkindik beredi», - dedi Munaı jáne gaz mınıstri.