Zań jobasy: Topyraq qunarlyǵyn tómendetken fermerden jer qaıtaryp alynady
ASTANA. KAZINFORM – Topyraq qunarlyǵyn tómendetken fermerden jer qaıtaryp alynady. Bul týraly Májilistiń jalpy otyrysynda depýtat Nurjan Áshimbetov aıtty.
«Topyraqty qorǵaý týraly» zań jobasy men oǵan ilespe qujatty birinshi oqylymda talqylaý barysynda depýtat Qaırat Balabıev baıandamashydan: «Búginde topyraq degradatsııasynyń aýqymy orny tolmas sıpatqa ıe bolyp otyr. Degenmen, zań jobasy usynyp otyrǵan quraldar sharýalarǵa qatysty topyraqty qorǵaý jáne utymdy paıdalaný talaptaryn aıtarlyqtaı qatańdatady. Bul jańashyldyqtar jer paıdalanýshylar jańa talaptardy oryndaı almaı qalǵan jaǵdaıda olardyń jer ýchaskelerin qaıta bólýge ákep soqtyrmaı ma? , — dep suraǵan edi.
Saýalǵa jaýap bergen Nurjan Áshimbetovtiń aıtýynsha, aldymen monıtorıng júrgiziledi. Odan keıin topqyraq qunarynyń kórsetkishteri tómendeıtin bolsa, onda aldymen fermerlerge eskertý jasalady.
— Jaǵdaıdy túzetýge 1 jyl ýaqyt beriledi. Eger 1 jyldyń ishinde jaǵdaı túzelmese, onda jer ınspektsııalary jerdi qaıtarý máselesin kóteredi. Jer birden emes, sot arqyly alynady. Bul faktilerdi anyqtaý úshin júrgiziledi. Protsess ret-retimen jasalady, — dedi ol.
Buǵan deıin el aýmaǵynyń 75 paıyzdan astam jeri ártúrli deńgeıde degradatsııaǵa ushyraǵanyn jazǵan edik.
