Zań jobalaý jospary 100 paıyzǵa oryndaldy - QR Ádilet mınıstri

ASTANA. QazAqparat - 2015 jylǵa arnalǵan zań jobalaý jumystary jospary 100 paıyzǵa oryndaldy. Búgin QR Ádilet mınıstrliginiń alqa májilisinde osy vedomstvonyń basshysy Berik Imashev osylaı málim etti.

«Úkimet jyl saıyn zań jobalaý josparyn bekitedi. Sońǵy jyldary olardyń 100 paıyzǵa oryndalǵany baıqalady. 2015 jyly 30 josparly zań jobasy ázirlenip, olardyń barlyǵy Parlament qaraýyna der kezinde engizildi. Budan basqa 2015 jyly Úkimet pen Prezıdent Ákimshiligi basshylyǵynyń tapsyrmalary boıynsha jospardan tys 11 zań jobasy ázirlendi. Sondaı-aq «100 naqty qadam» Ult josparyn iske asyrý úshin 22 zań jobasy daıarlandy. Sonymen, barlyǵy 58 Zań qabyldandy. Úkimet tutastaı alǵanda 63 zań jobasyn ázirledi»,-dedi mınıstr.

Ótken jyly mınıstrlik 2016 jylǵa Úkimettiń zań jobalary josparyn ázirlep, onda 26 zań jobasyn ázirleý, sondaı-aq bıylǵa quqyqtyq saıasat tujyrymdamasyn júzege asyrý boıynsha jospardy daıarlady. Bul josparǵa 19 shara engizilgen kórinedi.

Vedomstvonyń málimetine qaraǵanda, Ádilet mınıstrligi memlekettik qyzmet kórsetýdiń 53 túrin iske asyrady. Osy oraıda 2015 jyly 11 mıllıonnan astam qyzmet kórsetilse, onyń 83 paıyzy elektrondy nusqada iske asyryldy.