Zań jobalarynyń daıyndyǵy pysyqtaldy
ASTANA. 28 naýryz. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti. Onda Májilistiń jalpy otyrysyna shyǵarylatyn máseleler saralandy.
Palatanyń Halyqaralyq ister, qorǵanys jáne qaýipsizdik komıteti depýtattardyń talqysyna eki zań jobasyn usyndy. Atap aıtqanda, «Belarýs Respýblıkasynyń, Qazaqstan Respýblıkasy men Reseı Federatsııasynyń munaı men munaı ónimderiniń ortaq naryǵyn uıymdastyrý, basqarý, olardyń jumys isteý jáne damý tártibi týraly kelisimdi ratıfıkatsııalaý týraly» jáne «Baǵa belgileý men tarıftik saıasat negizderin qosa alǵanda, gaz tasymaldaý júıeleri boıynsha gaz tasymaldaý salasyndaǵy tabıǵı monopolııalar sýbektileriniń qyzmetterine qol jetkizý qaǵıdasy týraly kelisimdi ratıfıkatsııalaý týraly»zań jobalary bar.
Áleýmettik-mádenı damý komıteti «Qazaqstan Respýblıkasynyń Eńbek kodeksine ózgerister men tolyqtyrýlar engizý týraly» zań jobasymen jumysty jalǵastyrý qajettigin usynyp otyr.
Qarjy jáne bıýdjet komıteti «Qazaqstan Respýblıkasynyń keıbir zańnamalyq aktilerine elektrondyq aqsha máseleleri boıynsha tolyqtyrýlar engizý týraly» zań jobasyn ekinshi oqylymǵa daıyndady.
