«Zań jobalaryn memlekettik tilde ázirleý talabyn saqtaý - barlyq memlekettik organdardyń basty mindeti» - respýblıkalyq basylymdarǵa sholý

«Memleket basshysy Nursultan Nazarbaev Baılanys jáne aqparat mınıstri Asqar Jumaǵalıevti qabyldady», dep jazady «Egemen Qazaqstan» gazeti QR Prezıdentiniń baspasóz qyzmetine silteme jasap. A.Jumaǵalıev Prezıdentke otandyq BAQ-tyń básekelestikke qabilettiligin arttyrý jónindegi is-sharalardy júzege asyrý barysy jáne qazaqstandyq ınternet-resýrstarynyń damýy týraly baıandady. Kezdesýdiń barysynda sondaı-aq Qazaqstanda tsıfrlyq televızııany engizý máselesi talqylandy. Onyń birinshi kezeńin júzege asyrýǵa aǵymdaǵy jyldyń sońyna deıin kirisý josparlanýda.

Prezıdent mınıstrliktiń basshylyǵyna otandyq aqparattyq keńistiktiń básekelestikke qabilettiligin arttyrý máselesine erekshe baqylaý jasaýdy tapsyrdy, - dedi jýrnalısterge arnalǵan brıfıngte A. Jumaǵalıev.

«Egemen Qazaqstan» gazetiniń habarlaýynsha, keshe Premer-Mınıstr Kárim Másimov «ІVM Power Systems» kompanııasynyń bas dırektory Ross Maýrımen kezdesti. «Kezdesý barysynda kompanııanyń Qazaqstandaǵy jumysynyń aǵymdaǵy jaǵdaıy men perspektıvalary talqylandy. R.Maýrı ǵylymı-aǵartýshylyq baǵdarlamalardy birlese júzege asyrýdy kózdeıtin «ІVM Power Systems» kompanııasynyń josparlary, sondaı-aq qazaqstandyq mamandardy aqparattyq tehnologııalar salasynda oqytý jaıynda habarlady. Ol kompanııanyń Astanada «Linux» operatsııalyq júıesiniń ınnovatsııalyq bilim berý ortalyǵyn ashýǵa jáne Qazaqstanǵa kompanııanyń ózi L.Gýmılev atyndaǵy EUÝ, Abaı atyndaǵy QazUPÝ, sondaı-aq halyqaralyq ІT-ýnıversıtetinde júzege asyrýdy josparlap otyrǵan bilim berý úderisi men ǵylymı zertteýler maqsatynda paıdalaný úshin sýperkompıýterler jetkizip berýge daıyn ekenin atap kórsetti», dep jazady basylym.

Osy basylymnyń «Elimen etene Elbasy» aıdarynda akademık, senator Ǵarıfolla Esimniń «Tulǵa fılosofııasy» atty kólemdi maqalasy jarııalandy. «Búginde Qazaq eli - birtutas memleket, endi Kemel adamǵa, Tulǵaǵa qajettilik bar. Baǵymyzǵa oraı sondaı tulǵa bar, ol - Qazaq eliniń tuńǵysh Prezıdenti Nursultan Ábishuly Nazarbaev. Tulǵa dep halyqtyń boıyndaǵy qýatty izgilikti maqsatqa baǵyttap, onyń jetekshisi ári oryndaýshysy qyzmetin atqaratyn Elbasyn aıtamyz. Ol úshin qajetti jaǵdaı, Elbasynyń halyqqa jáne halyqtyń Elbasyna senimi bolýy kerek. Sebebi, bılik basyna kelý bılikke ıe bolý degen sóz emes, ol bılikke ıe bolýdyń múmkindigi ǵana. Bılikke ıe bolý osal sharýa emes. Adamzat tarıhynda kóptegen el basshylarynyń bılikke kelgenderimen, sol bılikke ıe bolý múmkindigine jete almaı, jolda qalǵandary qanshama. Mundaı tájirıbeni qazirgi zamandaǵy alys-jaqyn elderde bolyp jatqan oqıǵalardan kórip otyrmyz», deıdi maqala avtory.

***

«Aıqyn» gazetiniń dástúrli «Aq sóıle!» aıdarynyń búgingi qonaǵy Qazaqstannyń Belarýs Respýblıkasyndaǵy Tótenshe jáne Ókiletti Elshisi Anatolıı Smırnov. Qazaqstan, Reseı jáne Belarýs memleketteri arasyndaǵy Kedendik odaqqa baılanysty órbigen suhbat barysynda basylym qonaǵy barlyq saýaldarǵa tuşymdy jaýap bergen. Ekeýara áńgime «Kedendik odaq naryqtyq keńistikke jol ashady» degen taqyryppen berilgen.

«Kaspıı jaǵalaýy qańqalardan tazartylady». «Aıqyn» gazetiniń jazýynsha, keshe Qorshaǵan ortany qorǵaý vıtse-mınıstri Eldana Sádýaqasova «Premer-Mınıstr Kárim Másimov Kaspıı jaǵalaýynda jumys istemeıtin uńǵymalardy joıýdyń jospar-kestesin jasaýǵa tapsyrma berdi», dep málimdegen. Onyń keltirgen derekterine qaraǵanda, jalpy 1113 uńǵy bolsa, sonyń 113-i sý bóliginde ornalasqan. Qazirdiń ózinde 90 uńǵy joıylǵan eken. «Qorshaǵan ortany qorǵaý mınıstrligi aldaǵy ýaqytta Kaspıı jaǵalaýynda jumys istep turǵan barlyq munaı óndirýshi kompanııalardyń jumysyn keshendi túrde tekserýdi josparlap otyr», dep jazady basylym.

***

«Keshe Qyrǵyzstannyń ońtstigindegi Osh qalasynda jańa bıliktiń qarsylastary men qoldaýshylarynyń arasynda qaqtyǵys boldy. Ýaqytsha úkimetti moıyndaýdan bas tartyp, kóteriliske shyqqandar Osh qalasynyń ákimshiligin jaýlap alyp, qalanyń burynǵy basshysy Mamasadyq Bakırovti óz ornyna qaıta otyrǵyzdy», dep jazady «Alash aınasy» gazeti. Kórshi qyrǵyz elinde jaǵdaımen egjeı-tegjeıli tanysqyńyz kelse basylymnyń búgingi nómirinde jaryq kórgen «Qyrǵyzstan qaıta dúrligip jatyr» degen taqyryppen berilgen maqalaǵa nazar aýdaryńyz. Sondaı-aq osy jaıtty qozǵaǵan kelesi maqala «Aıqyn», «Lıter» basylymdarynda da jaryq kórdi.

«Alash aınasy» gazetiniń «Dat!» aıdarynda QR Ádilet mınıstri Rashıd Túsipbekovpen aradaǵy suhbat «Zań jobalaryn memlekettik tilde ázirleý talabyn saqtaý - barlyq memlekettik organdardyń basty mindeti» degen taqyryppen berilgen. Suhbat barysynda mınıstr «sońǵy kezderi zań aktileriniń memlekettik tildegi nusqasynyń sapasy syn kótermeıtini jıi aıtylýda. Bul túsinikti de. Qujattyń orys tilindegi nusqasymen qazaq tilindegi aýdarmasynyń sáıkes kelmeýi, termınderdiń birizdi qoldanylmaýy bul salany bir júıege keltirýdi talap etip otyr», degen pikirin bildire ketken.

Osy basylymnyń dástúrge aınalǵan «Oı-kókpar» aıdarynynyń mamandarǵa qoıǵan búgingi saýaly - «Teatr men ónerdiń deńgeıin qadaǵalaý maqsatynda Mádenıet mınıstrliginiń janynan resmı kórkemdik keńes qurý kerek pe?». Gazettiń osy saýalyna jaýap bergen professor, teatrtanýshy Áshirbek Syǵaı «Mádenıet mınıstrliginiń janynan mindetti túrde resmı kórkemdik keńes qurylýy qajet. Respýblıkalyq sheńberde sheshiletin máselelerdiń barlyǵy QR Mádenıet mınıstrliginiń mańyna toptastyrylýy tıis» dese, oǵan qarsy shyqqan rejısser Bolat Atabaev «Mádenıet mınıstrliginiń janynan resmı kórkemdik keńes qurýdyń qajeti qansha? Sonda ne, spektakldi, kınony kórkemdik keńes qoıa ma nemese radıohabardy kórkemdik keńes jasaı ma? Odan da mádenıet oshaqtary jekelegen avtorlarmen, iri tulǵalarmen jumys istesin, talanttardy ónerge tartsyn, olardyń kásibı deńgeıin kótersin, ónerden qarjyny aıamaı, oqımyn degen jas daryndardy oqytsyn», degen pikirin alǵa tartady.

***

«Tuńǵysh Prezıdent Nursultan Nazarbaevtyń qoǵamdyq mártebesin Elbasy retinde bekitýge qatysty zańnamaǵa ózgerister engizý týraly Parlament Májilisiniń bir qatar depýtattarynyń bastamasy keshe Senatta palata spıkeri Qasym-Jomart Toqaevtyń tóraǵalyǵymen ótken jalpy otyrysta maquldandy», dep jazady «Kazahstanskaıa pravda» gazeti.

Elbasynyń mártebesin naqtylap, qyzmetin qamtamasyz etýge baǵyttalǵan «Qazaqstan Respýblıkasynyń keıbir konstıtýtsııalyq zańdaryna Qazaqstan Respýblıkasy Tuńǵysh Prezıdentiniń - Elbasynyń qyzmetin qamtamasyz etý salasynda zańnamany jetildirý máseleleri boıynsha tolyqtyrýlar men ózgerister engizý týraly» jáne «Qazaqstan Respýblıkasynyń keıbir zańnamalyq aktilerine Qazaqstan Respýblıkasy Tuńǵysh Prezıdentiniń - Elbasynyń qyzmetin qamtamasyz etý salasynda zańnamany jetildirý máseleleri boıynsha tolyqtyrýlar engizý týraly» eki zańdy qabyldady.

Osy jaıynda «Egemen Qazaqstan», «Aıqyn», «Alash aınasy», «Lıter», «Ekspress-K» basylymdarda jaryq kórgen maqalalardy oqýǵa bolady.