Zań jobalary sapaly jáne ýaqytynda qaralady - Senat depýtaty G.Kım

ASTANA. QazAqparat - Memlekettiń quqyqtyq irgetasyn odan ári jetildire túsýge múmkindik beretin Qazaqstan Konstıtýtsııasynyń 20 jyldyǵyn ótken kúnderde barsha qazaqstandyqtar joǵary tabystarmen atap ótti, dedi Senat depýtaty Georgıı Kım besinshi shaqyrylymdaǵy Parlamenttiń besinshi sessııasynyń ashylýynda.

"Osy oraıda Parlamentke taıaýda túsetin elýden astam zań jobasy Memleket basshysy jarııa etken bes ınstıtýttyq reformasyn iske asyrýdy kózdeıtin «100 naqty qadam» Ult josparyn zańnamalyq turǵyda qamtamasyz etýge baǵyttalyp otyrǵanyn atap ótkim keledi. Depýtattyq korpýstyń, Parlament apparatynyń joǵary kásibı biliktiligin eskere otyryp, zań jobalary sapaly jáne ýaqytynda qaralatyny kúmánsiz", - dedi senator.