«Zań jáne tártip» qaǵıdaty jalpyulttyq qundylyqtar qataryna endi - Erlan Qarın

ASTANA. KAZINFORM - Qazaqstannyń strategııalyq zertteýler ınstıtýty qoǵam arasynda tereń ornyqqan qundylyqtardyń ıerarhııasyna arnalǵan áleýmettik zertteý júrgizdi. Bul týraly Memlekettik keńesshi Erlan Qarın málimdedi.

- Saýalnama nátıjesine sáıkes «Zań jáne Tártip» qaǵıdaty azamattarymyz úshin asa mańyzdy sanalatyn jalpyulttyq qundylyqtar qataryna endi («Ádildik» – 84,1%, «Zań jáne Tártip» – 83,5%, «Eńbek» – 83,4%).

Prezıdent Qasym-Jomart Toqaev Úkimettiń keńeıtilgen otyrysynda sóılegen sózinde «Zań jáne Tártip» qaǵıdatyn odan ári ornyqtyrý jáne quqyqbuzýshylyqtyń kez kelgen túrine «múldem tózbeýshilik» ustanymyn qalyptastyrý qajettigine basa nazar aýdarǵany tegin emes, - dep jazdy Erlan Qarın.

Aıta ketý kerek, zań ústemdiginiń qamtamasyz etilýi jáne ony buzǵany úshin jazanyń bultartpastyǵy – memlekettiń negizgi mindetiniń biri. Sondyqtan álemniń kóptegen elinde tártip pen turaqtylyqty nyǵaıtýǵa degen qoǵamdyq suranystyń ózektiligi artyp keledi.

Buǵan deıin Erlan Qarın QSZI Ǵylymı keńesiniń otyrysyna qatysqan bolatyn.