Zań talaptaryna sáıkes dinı birlestikterdi tirkeý jáne qaıta tirkeýdi durys ári ýaqtyly júrgizý qajet - Q.Lama Sharıf
ASTANA. 13 maýsym. QazAqparat - Zań talaptaryna sáıkes dinı birlestikterdi tirkeý jáne qaıta tirkeýdi durys ári ýaqtyly júrgizý qajet.
Bul týraly búgin QR Úkimeti janyndaǵy Dinı birlestiktermen baılanystar jónindegi keńestiń otyrysynda elimizdiń Din ister agenttiginiń tóraǵasy Qaırat Lama Sharıf aıtty.
«Bul jerde agenttik pen Ádilet mınıstrliginiń bólimsheleri arasynda tyǵyz, úılestirilgen baılanys ornatý kerek. Olardyń jumystary mamandardyń kúndelikti baılanysta bolýy deńgeıinde júrgizilýi tıis», - dedi ol.
Agenttik tóraǵasynyń aıtýynsha, bul baǵyttaǵy basty jumystar aımaqtarda júrgiziletin bolady. Óıtkeni kóptegen dinı birlestikter jergilikti dinı birlestik mártebesin alýǵa nemese fılıal túrinde qaıta tirkeýden ótýge múddeli. Sondyqtan da olardyń memlekettik tirkelýi Ádilet mınıstrliginiń aýmaqtyq organdary men agenttik departamenteriniń birlese jumys isteýi negizinde júrgiziledi.
«Respýblıkalyq jáne aýmaqtyq deńgeıde qaıta tirkeýden mundaı mártebe alýǵa múmkindikteri bar dinı birlestikter ǵana óte alady. Qajet bolǵan jaǵdaıda biz olarǵa túsindirme bere alamyz», - dedi Q.Lama Sharıf.
