Zań shyǵarýshylyq úrdistiń mádenıeti men deńgeıi memlekettegi demokratııanyń damý kórsetkishi bolyp tabylady
ASTANA. 6 sáýir. QazAqparat - Búgin QR Parlamenti Senatynda Ádilet mınıstriniń qatysýymen zań shyǵarý qyzmetin jetildirý máselelerine arnalǵan Úkimet saǵaty bolyp ótti.
«Zańnamalyq qyzmet quqyqtyq retteý jáne qoǵamdy basqarý baǵytyndaǵy mańyzdy orynǵa ıe. Bul rette zań shyǵarýshylyq úrdistiń mádenıeti men deńgeıi, sondaı-aq qabyldanatyn normatıvtik-quqyqtyq aktiler sapasy qoǵam órkenıettiligi men memlekettegi demokratııanyń damý deńgeıiniń kórsetkishi bolyp tabylady», - deıdi Senattyń Konstıtýtsııalyq zańnama, sot jáne quqyqtyq reforma komıtetiniń tóraǵasy, senator Serik Aqylbaı. Onyń aıtýynsha, Qazaqtanda qoǵam ómiriniń barlyq mańyzdy salalarynda týyndaıtyn quqyqtyq qarym-qatynastarynyń 250-den astam zańdar, 17 kodekster men 10 konstıtýtsııalyq zańnama bar.
«Jalpy zańnamanyń ózi jáne zań shyǵarmashylyǵy úzdiksiz jetildirýdi talap etetini belgili. Máselen, depýtattar tarapynan zań shyǵarmashylyǵy sapasynyń qyzmetin arttyrý jaıy udaıy kóterilip keledi. Osy úshin Úkimettiń zań jobalaýshylyq qyzmetin jetildirý máselesin sheshý, zań jobalary men olardyń tujyrymdamalaryn ǵylymı saraptaýdy uıymdastyrýǵa kózqarasty túbegeıli ózgertý, sondaı-aq zań mátinindegi aýdarmanyń túpnusqaǵa mazmuny teń bolýyn qamtamasyz etý jóninde pármendi sharalar kerek», - deıdi S. Aqylbaı.
