Zań shyǵarý jáne ony oryndaý protsesin bir jerde jumyldyrý óte mańyzdy – Erlan Saıyrov

ASTANA. KAZINFORM – Májilis depýtaty Erlan Saıyrov Prezıdenttiń bir palataly Parlament qurý týraly bastamasyna qatysty oıyn ortaǵa saldy.

- Qazaqstan ýnıtarly memleket. Búgingi óte kúrdeli geosaıası jaǵdaıda, zań shyǵarý jáne ony oryndaý protsesin bir jerde jumyldyrý óte mańyzdy. Sondyqtan bir palataly Parlamentti jasaqtaý búgingi saıası kún tártibine sáıkes keledi. Sonymen birge Parlamentti partııalyq tizimmen jasaqtaý týraly da usynys engizildi, - dedi Erlan Saıyrov Prezıdent Joldaýyna qatysty.

Halyq qalaýlysynyń aıtýynsha, atalǵan usynys saıası partııalardyń rólin arttyryp, qoǵam men saıası partııalar arasyndaǵy baılanysty nyǵaıtady.

- Saıası reformalar jalǵasyn taýyp jatyr. Senatty taratý máselesi referendýmda qaralatyn boldy, ıaǵnı elimizde zań shyǵarý protsesinde norma jáne protsedýra qarastyrylyp otyr. Osynyń barlyǵy Qazaqstanda ınstıtýtsıonaldy demokratııanyń qalyptasqandyǵyn kórsetedi, - dep tolyqtyrdy Májilis depýtaty.

Búgin Qazaqstan halqyna Joldaýynda Prezıdent Qasym-Jomart Toqaev bir palataly Parlament qurý týraly bastama kóterdi.

Sonymen qatar Memleket basshysy 30 jylda Senat asa mańyzdy tarıhı mıssııasyn abyroımen atqarǵanyn basa aıtty.