Zań ómirimizge engen jańalyqtarǵa saı ózgerip otyrýǵa tıis — Tamara Dúısenova

Premer-Mınıstrdiń orynbasary Tamara Dúsenova elimizdiń Eńbek kodeksine engiziletin basty ózgeristi atady, dep habarlaıdy Kazinform.

«Zań da ómir sııaqty qandaı ózgerister bolyp jatsa, sol ózgeristerdi ózine alyp, oǵan jaýap bere alatyndaı bolýy tıis. Máselen, bizdiń qazirgi eńbek týraly zańda bylaı jazylǵan: siz tańerteń saǵat 8-de jumysqa kelip, keshki 18.00-ge deıin jumys isteýińiz qajet. Bul mindetti. Al platformalyq jumysta olaı emes qoı. Sondyqtan qazir Eńbek kodeksine qandaı ózgeris engizilip jatyr? Endi siz tolyq kún nemese tolyq emes kún jumys isteseńiz, ony yńǵaıly rejım dep ataıdy», — dedi vıtse-premer «Jibek Joly» telearnasynyń «Ýáde» baǵdarlamasyna bergen suhbatynda.

Onyń atap ótýinshe, eńbekaqy kólemi, saǵaty jumys berýshimen aradaǵy kelisimshartqa qaraı túziledi.

«Bul ózgeris pe? Ózgeris. Qaı ýaqytta paıda boldy? Ásirese pandemııa kezinde qashyqtan jumys isteý jandandy. Ony biz Eńbek kodeksine engizýmiz kerek pe? Kerek», — dedi Tamara Dúısenova.