Zań normalaryn ázirleýde lobbı jasaýdy túp tamyrymen joıý qajet - Prezıdent

NUR-SULTAN. QazAqparat - Zań normalaryn ázirleý barysynda bireýlerdiń jeke múddesine bola lobbı jasaýdy túp tamyrymen joıý qajet. Bul týraly 7-shi shaqyrylǵan Parlamenttiń 1-shi sessııasyn ashqan QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Zań normalaryn ázirleý barysynda bireýlerdiń jeke múddesine bola lobbı jasaýdy túp tamyrymen joıý qajet. Sizder eń aldymen saılaýshylardyń suranysyn basshylyqqa alyp, táýekel men qaterdiń bárin de saralaýǵa tıissizder. Depýtattar árdaıym qoǵam tynysyn ańǵaryp, tamyryn dóp basa bilgeni jón. Parlament el múddesi úshin aıanbaı qyzmet etetin qaınaǵan jumys ortasy. Halqymyz bizden oń ózgeristerdi kútetindigin árdaıym este ustaǵan abzal», - dedi Memleket basshysy.

Sondyqtan QR Prezıdenti depýtattardyń sheshim qabyldaý kezinde asqan jaýapkershilik tanytýlary qajettigin basa aıtty.

«Barlyq josparymyz jemisti júzege asyrylýy úshin bir kisideı jumylyp, eńbek etýimiz kerek. Biz kez kelgen qıyndyqty jeńip, bılik belesterge birge shyǵamyz. Ádiletti ári órkendegen Qazaqstandy birge quramyz. Qasterli qundylyqtarymyzdy kózdiń qarashyǵyndaı saqtap, kemel keleshekke birge qadam basamyz» - dedi Qasym-Jomart Toqaev.