«Zań men Tártip» tsıfrlyq servısi – 102 arnasynyń zamanaýı balamasy
ASTANA. KAZINFORM – BIZDIÑ ORTA podkastynda ІІM Aqparattyq saıasat departamentiniń basqarma bastyǵy Shuǵyla Turlybek Egov qosymshasyndaǵy «Zań men Tártip» tsıfrlyq servısiniń negizgi maqsatyn, erekshelikterin atady.
– Negizgi maqsat – polıtsııa ashyqtyǵy. Bul servıstiń ereksheligi Egov qosymshasynda, halyqtyń basym bóligi qoldanatyn bank qosymshalarynda bar. Demek, quqyq buzýshylyqty polıtsııa bólimshelerine barmaı-aq bir batyrmany basý arqyly tez arada habarlaýǵa bolady degen sóz. Bul servıs qońyraý shalyp habarlasatyn 102 arnasynyń zamanaýı balamasy, - dedi Shuǵyla Turlybek.
Al Májilis depýtaty Natalıa Dementeva atalǵan tsıfrlyq servısti engizý máselesi osy jyldyń basynan beri Májilis qabyrǵasynda keńinen talqylandy. Tipti, jaz aıynda Májiliste Іshki ister mınıstrliginiń ókilderimen birge úlken dóńgelek uıymdastyryldy.
– Shynyn aıtý kerek, bul máselege kúmánmen qaradym. Óıtkeni, tarıhty bilsek domalaq aryz jazý degen boldy. Biraq, el azamaty retinde zań men tártip qaǵıdasyna tolyǵymen qosylamyn. Sebebi azamattyq belsendiligimizdi kórsetpesek, ózimiz úlgi bolmasaq, jastarymyz kimnen úlgi alady?! Árıne, bizden alýǵa tıis. Múmkin ony túsiný, durys qabyldaý úshin áli de ýaqyt kerek shyǵar. Qazirgi kezde osy servısti engizip, zań men tártip qaǵıdasyn mindetti túrde ustaýymyz, zańǵa baǵynatyn el azamaty bolýǵa tıispiz dep halyqty aqyryn úırete beremiz. Biraq, halyqqa eń aldymen túsindirý jumysyn júrgizý qajet, - dedi Májilis depýtaty.
Osy oraıda Natalıa Dementeva jaz aılarynda óńirlerde halyqpen kezdeskende dál osy servıske qatysty pikirdiń ekige jarylǵanyn aıtady. ıAǵnı, bir tarap zań buzýshylyqpen kúresý qajettigin alǵa tartsa, ekinshi tarap bul servıske kúmánmen qarap otyr.
ІІM ókili zań buzýshylyqtardy foto jáne vıdeoǵa túsirip, «Zań men Tártip» tsıfrlyq servısi arqyly polıtsııa habarlaý múmkindigin artyqshylyq dep baǵalaý kerektigin aıtady.
– Muny sóz tasý, bir-birin qaralaý emes, memlekettik qyzmet túri retinde qarastyrý kerek sııaqty. ıAǵnı, polıtsııa baryp, aryzdanyp ýaqyt ketirmeı-aq, oryn alǵan quqyq buzýshylyqty der ýaqytynda habarlaý úshin iske qosylǵan joba retinde qaraǵan jón, - dedi Shuǵyla Turlybek.
Esterińizge sala ketsek, bıyl maýsymda Іshki ister mınıstrligi «Zań men tártip» jańa tsıfrlyq servısin iske qosty.