«Zań men tártip» qaǵıdaty – ádiletti qoǵamnyń negizi – Magerramov

ASTANA. KAZINFORM – «Zań men tártip» qaǵıdaty týraly Májilis depýtaty Magerram Magerramov Konstıtýtsııalyq reformalar jónindegi komıssııanyń úshinshi otyrysynda aıtty. 

Depýtattyń sózinshe, birpalataly parlamentti proportsıonaldy saılaý júıesi arqyly qalyptastyrý partııalyq-saıası pikirtalastyń sapasyn arttyryp, qoǵam men bılik arasyndaǵy dıalogty kúsheıtedi.

– Proportsıonaldy negizde qurylatyn birpalataly parlament saıası partııalardyń yqpalyn arttyrady. Kóppartııaly ókildik – demokratııanyń basty kórsetkishi ári saıası júıeniń turaqtylyǵynyń berik negizi, - dedi Magerram Magerramov.

Depýtat sondaı-aq jańa parlamenttik júıe zań shyǵarýshy organnyń yqpalyn kúsheıtetinin jáne saıası júıeniń turaqtylyǵyn qamtamasyz etetinin, al «Zań men Tártip» qaǵıdatyn Konstıtýtsııada bekitý azamattardyń quqyqtarymen mindetteriniń teńgerimdi úılesimin qalyptastyratynyn atap ótti.

– Zań tártipsiz kúshin joǵaltady, al zańsyz tártip ozbyrlyqqa aınalady. Sondyqtan «Zańmen Tártip» – ádiletti qoǵamnyń ajyramas quramdas bólikteri jáne azamattardyń qaýipsizdigi men erkindiginiń kepili, - dep naqtylady ol.

Aıta keteıik, buǵan deıin Qorshaǵan ortany qorǵaý boıynsha Konstıtýtsııanyń eki babyn ózgertý usynyldy.