«Zań men tártip»: elorda turǵyndaryna tegin zańgerlik kómek kórsetildi
ASTANA. KAZINFORM — Elordanyń Esil aýdandyq Belsendi uzaq ómir súrý ortalyǵynda «Zań men tártip» atty áleýmettik mańyzy bar is-shara ótti, dep habarlaıdy Astana ákimdiginiń resmı saıty.
Vedomstvo málimetinshe, kezdesý halyqtyń quqyqtyq saýattylyǵyn arttyrýǵa jáne turǵyndarǵa kómek kórsetýge baǵyttalǵan.
Іs-shara qala turǵyndaryna qoldaý kórsetý maqsatynda uıymdastyryldy. Árbir qatysýshy jetekshi mamandar men praktık advokattardan tegin zańgerlik keńes alý múmkindigine ıe boldy.
Bilikti zańgerler azamattardyń kúndelikti ómirde jıi kezdesetin eń ózekti quqyqtyq máselelerin — zeınetaqy jáne turǵyn úı zańnamasynyń qyr-syrynan bastap, tutynýshylardyń quqyqtaryn qorǵaý men qoǵamdyq qaýipsizdikti qamtamasyz etýge deıingi jaıttardy egjeı-tegjeıli taldap berdi.
— Mundaı aktsııalar, ásirese úlken býyn ókilderi úshin óte qajet. Bizge zańnyń qyr-syryn túsiný jıi qıyndyq týdyrady, al munda mamandar bizdiń quqyqtarymyzdy qarapaıym tilmen túsindirip, qıyn jaǵdaılarda qalaı áreket etý kerektigin nusqap berdi, — dep bólisti qala turǵyndary óz pikirlerimen.
Uıymdastyrýshylar zańdylyq pen tártip qaǵıdattary árbir azamattyń quqyqtyq habardarlyǵynan bastalatynyn jáne mundaı aktsııalardy ótkizý ıgi dástúrge aınalatynyn basa aıtty.
Buǵan deıin «Halyq zańgeri» aktsııasy aıasynda 100-den asa elordalyq tegin zańgerlik keńes alǵan edi.
