Zań men tártip: Ádil qoǵamnyń negizi – qarjylyq qaýipsizdik jáne quqyqtyq mádenıet
JEZQAZǴAN. KAZINFORM - Ulytaý oblysynyń shalǵaı óńirinde ornalasqan Qarajal qalasynda quqyqtyq mádenıetti arttyrýǵa jáne azamattardyń qarjylyq qaýipsizdigin nyǵaıtýǵa baǵyttalǵan keń aýqymdy aqparattyq-aǵartýshylyq forým ótti.
Іs-sharany Ulytaý oblysy boıynsha ekonomıkalyq tergep-tekserý departamenti, Polıtsııa departamenti, QR Memlekettik qyzmet isteri agenttiginiń oblystyq departamenti jáne «Ulytaý jastary» qoǵamdyq birlestigi birlesip uıymdastyrdy. Forým jumysyna BAQ ókilderi men «Ulytaý» telearnasy qatysty.
Shara aıasynda qala turǵyndary men jastar arasynda zamanaýı qaýip-qaterlerdiń aldyn alý boıynsha keshendi túsindirý jumystary júrgizildi. Basty taqyryptar:
- qarjylyq qaýipsizdik: Dropperlik shemalarǵa tartylýdan saqtaný jáne tsıfrlyq gıgıena erejeleri;
- tsıfrlyq gıgıena, kıberqaýipsizdik: Dıpfeık (deepfake) tehnologııalary arqyly jasalatyn alaıaqtyqtyń qaýpi;
- nashaqorlyqqa qarsy kúres: Esirtki qylmysynyń aldyn alý jáne salaýatty ómir saltyn nasıhattaý.
Qatysýshylar úshin teorııalyq bilimdi bekitý maqsatynda ınteraktıvti lektsııalar men suraq-jaýap formatyndaǵy vıktorınalar uıymdastyrylyp, naqty keıster taldandy.
Forýmnyń praktıkalyq bóliminde kúshtik qurylymdardyń jumysy tanystyryldy:
kınologııalyq qyzmet: Qyzmettik ıtterdiń esirtki zattary men tyıym salynǵan buıymdardy izdeýdegi múmkindikteri kórsetildi.
arnaıy maqsattaǵy jasaq: Taktıkalyq daıyndyq elementteri men quqyq buzýshylyqtardyń jolyn kesý ádis-tásilderin pash etti.
Mańyzdylyǵy
Mamandardyń pikirinshe, mundaı keshendi sharalar jastardyń boıynda alaıaqtyq, sonyń ishinde ınternet-alıaaqtyq, kıberqylmys pen esirtki qylmysyna qarsy «ımmýnıtet» qalyptastyrýǵa kómektesedi. Bul – Ulytaý oblysynyń eldi mekenderinde ótip jatqan profılaktıkalyq kezdesýler serııasynyń jalǵasy. Buǵan deıin uqsas shara Jáırem kentinde ótken bolatyn.
Uıymdastyrýshylar atap ótkendeı, tipti shalǵaı aımaqtardaǵy turǵyndarmen tikeleı dıalog ornatý – qoǵamda «Zań men Tártip» qaǵıdatyn ornyqtyrýdyń eń tıimdi joly.
