Zań qabyldaýda biz birinshi kezekte baqylaýdy emes, belgili bir salanyń damýyn oılaýymyz kerek - Májilis depýtaty
ALMATY. 30 mamyr. QazAqparat -Bıyl «Kommertsııalyq elektrondy saýda týraly» QR Zańy qabyldanady.
Bul jaıly Parlament Májilisiniń depýtaty Murat Ábenov búgin Almatyda ótip jatqan i-MІH'12 ınternet konferentsııasynda aıtty.
«Biz ınternetti damytýda keıbir qabyldaǵan zańdarymyzdyń nátıjesin áli kóre almaı jatyrmyz. Sonyń biri ótken jyly jaryq kórgen «Elektrondy aqsha týraly» Zań. Basynan bastap biz oǵan syn aıttyq. Sebebi Ulttyq bank daıyndaǵan atalmysh zań birinshi kezekte jeke bıznesti elektrondy aqsha shyǵarýda shektep, tek qana bankterge múmkinshilik beredi. Olar jeke bıznes jasasa biz ony baqylaı almaımyz degendi aıtty. Ókinishke oraı olar baqylaý jasaımyz dep onyń damýyna kedergi jasady. Áli kúnge deıin bizdiń elektrondyq aqshamyz joq», - dedi Parlament Májilisiniń Ekonomıkalyq reforma jáne óńirlik damý komıtetiniń múshesi M.Ábenov.
Murat Abdýlamıtulynyń aıtýynsha, zań qabyldaýda birinshi kezekte baqylaýdy emes, eń aldymen belgili bir salanyń damýyn oılaýymyz kerek. Bul buǵan deıin qabyldanǵan zańdarymyzdyń basty kemshiligi. Sondyqtan bıylǵy jyly qabyldanatyn «Kommertsııalyq elektrondy saýda» týraly zań jobasyn qoǵamdyq uıymdar men bıznes qurylymdary jáne memlekettik organdar keńirek talqylaýy kerek. Sonda ǵana sapaly dúnıe jasalady.
