Zań qabyldandy: ónerdiń damýyna eleýli úles qosqandarǵa jańa nagradalar beriledi
ASTANA. KAZINFORM — Búgin Quryltaıdyń jalpy otyrysynda «Qazaqstan Respýblıkasynyń memlekettik nagradalary týraly» Zańyna ózgerister men tolyqtyrýlar engizý týraly» Zań úshinshi oqylymda qaralyp qabyldandy.
Atap aıtqanda, bul qujat Quryltaıdyń birinshi shaqyrylymynyń birinshi sessııasynyń ashylýynda Memleket basshysy bergen mádenıet jáne óner salasyndaǵy memlekettik nagradalar týraly zańnamasyn jetildirý jónindegi tapsyrmasyn oryndaý maqsatynda ázirlendi.
— Zań jobasynyń maqsaty — eki jańa erekshelik belgisin — «Shámshi Qaldaıaqov» medalin jáne «Qazaqstannyń eńbek sińirgen sýretshisi» qurmetti ataǵyn engizý arqyly otandyq mádenıet jáne óner qaıratkerleriniń eńbegin taný. 2026 jylǵy 7 qazanda zań jobasy Quryltaıda birinshi oqylymda maquldandy.
Zań jobasyn ekinshi oqylymǵa daıyndaý barysynda onyń normalaryn zań tehnıkasynyń talaptaryna sáıkestendirý jáne mazmunynyń sapasyn jetildirý boıynsha tıisti jumys júrgizildi, — dedi depýttat Ekaterına Smolıakova.
Atalǵan qujatty qaraý aıasynda jumys tobynyń otyrysy jáne Quryltaıdyń Áleýmettik-mádenı damý komıtetiniń keńeıtilgen otyrystary ótkizildi. Osyny eske otyryp otyryp, Quryltaıdyń búgingi jalpy otyrysynda depýtattar zańdy úshinshi oqylymda qabyldady.
Aıta keteıik, bıyl 7 qazanda Quryltaıdyń jalpy otyrysynda «QR memlekettik nagradalary týraly» QR Zańyna ózgerister men tolyqtyrýlar engizý týraly» zań jobasy І oqylymda maquldandy.
Eske salsaq, Prezıdent Qasym-Jomart Toqaev memlekettik nagradalar tizimine «Shámshi Qaldaıaqov» medali men «Qazaqstannyń eńbek sińirgen sýretshisi» qurmetti ataǵyn engizý týraly sheshim qabyldady.
