Zań halyq súzgisinen ótpeı qabyldanbaıdy - sarapshy beıbit jıyndar týraly qujatqa qatysty
NUR-SULTAN. QazAqparat - QR Prezıdenti janyndaǵy Qazaqstan strategııalyq zertteýler ınstıtýtynyń bólim basshysy Alýa Joldybalına Senattyń beıbit jıyndarǵa qatysty zań jobasyna engizgen túzetýlerine pikir bildirdi, dep habarlaıdy QazAqparat tilshisi.
«Sońǵy jyldary elimizde azamattardyń zań jobalaryn talqylaýǵa qatysý úrdisi belsendi sıpatqa ıe bolýda. Qazir qoǵam tarapynan zańnama sapasyna da, mazmunyna da qyzyǵýshylyq jyl saıyn artyp keledi. Kezinde BAQ, din salasyndaǵy zańnamalarǵa ózgerister men tolyqtyrýlar engizilgende de qoǵam tarapynan qyzý talqylaý boldy. ıAǵnı, búginde zań jobasy halyq súzgisinen ótpeı qabyldanbaıdy degen sóz. Bul qoǵam úshin de, memleket úshin de jaqsy úrdis. Sebebi, azamattardyń tarapynan saıası belsendilik artyp, qoǵamdyq baqylaý kúsheıe túsip, demokratııalyq protsedýralardyń keń taralýy qamtamasyz etiledi», - dedi ol.
Mysaly, sarapshynyń atap ótýinshe, Fınlıandııada «OpenMinistry» kraýdsorsıngtik platformasynda Parlamentke talqylaýǵa túsken zań jobalaryna daýys berý protsedýrasy bekitilgen. ıAǵnı, halyq zań jobany talqylaýǵa qatysady.
«Búginde elimizdiń ár aımaǵynda «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zań jobasy qyzý talqylanýda. Qabyldanatyn Zań demokratııalyq serpilistiń aıqyn kórinisi dep tanyǵan jón. Elimizde mıtıngiler týraly Zań 1995 jyly qabyldanǵan bolatyn. Sol sebepti búginde saıası protsestiń qarqyndylyǵy men belsendiligin eskere otyryp, Memleket basshysynyń bastamasymen birqatar zańdar qaıta qaralýda. Zań jobasy aımaqtarda da, onlaın sarapshylar forýmdarynda da, halyqaralyq uıym ókilderiniń qatysýymen Elshilikter tarapynan da talqylaýdan ótti. Talqylaý, pikir almasý deńgeıi joǵary boldy», - dedi bólim basshysy.
Osy rette Alýa Joldybalına atalǵan zań jobasy Senatta qarastyrylyp jatqanyn jáne palata depýtattarynyń bastamasymen qujatqa birqatar túzetý engizilmek ekendigin basa aıtty.
«Eń aldymen, beıbit jınalystarǵa uıymdastyrýshynyń qatysýshylardan bet-álpetin jasyrmaýyn, onyń ishinde adamdy tanýǵa kedergi keltiretin kıim zattaryn jáne (nemese) ózge de quraldardy paıdalanbaýyn talap etý mindetin tolyq alyp tastaý usynylady. Bul shyn máninde, edáýir lıberaldy norma bolyp esepteledi. Sebebi, bundaı zań normasy Eýropanyń birqatar memleketterinde oryn alǵan. Mysaly, Avstrııa, Ispanııa, Germanııa, Shvetsııa, Danııada bar. Ekinshiden, Nur-Sultan, Almaty, Shymkent qalalarynda jáne oblys ortalyqtarynda pıketter, jınalystar, mıtıngiler úshin arnaıy oryndar sany qalanyń árbir aýdanynyń nemese qalanyń ortalyq bólikterinde keminde úsheý bolyp belgilenbek», - dedi sarapshy.
Onyń atap ótýinshe, bul azamattardyń beıbit jınalystar ótkizýge konstıtýtsııalyq quqyǵyn qamtamasyz etýge jáne memlekettik organdar estýge múmkindik beredi. Máselen, elordada arnaıy oryndar sany 12-den, Almatyda 24-ten, Shymkentte 12-den, Qaraǵandyda 6-dan kem emes bolady.
«Úshinshiden, Senat tarapynan uıymdastyrýshylar men qatysýshylardyń densaýlyqty qorǵaýǵa baǵyttalǵan jeke qorǵaný quraldaryn paıdalaný quqyǵy, mysaly, medıtsınalyq maskalar taǵýǵa qatysty normany engizý qarastyrylǵan. Jalpy, Aqparat jáne qoǵamdyq damý mınıstrligi tarapynan zań jobasyn talqylaýǵa qatysty jumys kúndelikti jalǵasýda. Birneshe talqylaýdan ótýde. Bul qalypty jaǵdaı ári zań jobasynyń jetilýine, sapaly qabyldanýyna múmkindik beredi», - dedi Alýa Joldybalına.
Foto: kisi.kz
