Zań buzýshylyqtarǵa jol bergen ІІB 25 laýazymdy adamy tártiptik jaýapkershilikke tartyldy
ASTANA. 14 aqpan. QazAqparat /Qanat Mámetqazyuly/ - Astana qalasy Saryarqa aýdanynyń prokýratýrasy Saryarqa aýdandyq ishki ister basqarmasynda 2010 jyly «Turmystyq zorlyq-zombylyq profılaktıkasy týraly» Qazaqstan Respýblıkasy Zańynyń talaptaryn saqtaý máselesi boıynsha tekseris júrgizip, birqatar kemshilikterdi anyqtady.
Bul týraly QazAqparat Astana qalalyq prokýratýrasynyń baspasóz qyzmetine silteme jasap habarlaıdy.
«Tekserý barysynda qorǵaý nusqamasy shyǵarylǵan adamdarmen profılaktıkalyq jumysty tıisti túrde júrgizbeýdiń kóptegen faktileri anyqtaldy. Atap aıtsaq, ýchaskelik polıtsııa ınspektorlary kóbinese nusqama toltyrýmen shektele otyryp, quqyq buzýshylarǵa qatysty profılaktıkalyq baqylaý sharalaryn múldem júrgizbegen, olar esepke alynbaǵan, jeke ister toltyrylmaǵan. Atalǵan zań buzýshylyqtar aýdandyq ishki ister basqarmasynyń laýazymdy adamdarynyń osy jumysqa formaldy túrde qaraıtynyn kórsetip otyr. Óz kezeginde, mundaı jaǵdaı quqyq buzýshylarda jazasyzdyq sezimniń paıda bolýyna ákep soǵýy múmkin», - delingen baspasóz aıǵaǵynda. Osy máseleler eskerile kele, anyqtalǵan zańbuzýshylyqtardy joıý maqsatynda tekseris qorytyndysy boıynsha Saryarqa aýdandyq ishki ister basqarmasynyń bastyǵyna zańdylyqtyń buzylýyn boldyrmaý jáne osy baǵyttaǵy profılaktıkalyq jumystyń tıimdiligin arttyrý úshin shara qoldaný týraly usynys engizilgen. «Zań buzýshylyqtarǵa jol bergen ishki ister basqarmasynyń 25 laýazymdy adamy tártiptik jaýapkershilikke tartyldy», - delingen baspasóz aıǵaǵynda.
