Zań buzýshylardy mindetti túrde jazalaý qaǵıdatyn qamtamasyz etemiz — Erjan Sádenov
ASTANA. KAZINFORM — Qoǵamdyq tártipti qamtamasyz etý salasynda tsıfrlandyrý men jasandy ıntellekti odan ary damytylady. Bul týraly Úkimet otyrysynda Іshki ister mınıstri Erjan Sádenov aıtty.
— Konstıtýtsııanyń Preambýlasy men birinshi taraýynda «Ádiletti Qazaqstan: Zań men Tártip» qaǵıdattary naqty bekitildi. Bul Іshki ister mınıstrliginiń azamattardyń quqyqtary men bostandyqtaryn qorǵaý úshin, qoǵamdyq qaýipsizdikti qamtamasyz etý jáne profılaktıkany tıimdi júrgizý úshin birden-bir negiz sanalady. Atalǵan normalardy keshendi sharalar arqyly iske asyramyz, — dedi ol.
Mınıstrdiń aıtýynsha, «Quqyq buzýshylyqtyń profılaktıkasy týraly» jańa zań aıasynda profılaktıkanyń jańa sýbektilerin jáne qoǵamdy jumyldyrý, erte den qoıý, adamdarmen jekelegen jumysty kúsheıtý, kámeletke tolmaǵandar jáne turmystyq zorlyq qurbandarynyń quqyqtaryn qorǵaý basty nazarǵa alynady.
— Jyl saıyn Prezıdent atyna engiziletin ulttyq baıandama jobasyn ázirlep, Úkimetke joldaımyz. Zań buzýshylyqtarda nóldik tózimdilik pen mindetti túrde jazalaý qaǵıdatyn qamtamasyz etemiz. Qoǵamdyq tártipti qamtamasyz etý salasynda tsıfrlandyrý men jasandy ıntellektini odan ary damytamyz, — dedi Erjan Sádenov.
Aıta keteıik, elimizde qylmystyq jáne ákimshilik quqyqbuzýshylyq boıynsha raqymshylyq jarııalanady.
