Zań buzǵan qostanaılyq jábirlenýshige jańa kólik alyp berdi
QOSTANAI. QazAqparat - Qostanaı qalalyq soty buzylǵan kóligin satyp jibergen turǵynnyń isin qarady, dep habarlaıdy QazAqparat oblystyq sottyń baspasóz qyzmetine silteme jasap.
Belgili bolǵandaı, satyp alý-satý sharty boıynsha azamat Ý. «Skoda Rapid» kóligin 3130879 teńgege 24 aı boıy shekteýsiz júris kepilimen satqan. Alaıda, kórsetilgen ýaqyt aıaqtalmaı jatyp, kóliktiń qozǵaltqysh bóliginen aqaý tabylǵan.
«Taraptar arasyndaǵy satyp alý-satý sharty 2014 jylǵy 24 qyrkúıekte jasalǵan. Kóliktiń kepildigi saqtalyp turǵan ýaqytta ıesi ony jóndeýge beredi. Biraq, jóndeý ýaqyty sozylyp ketkendikten, kólik ıesiniń 2016 jylǵy 30 jeltoqsandaǵy sotqa deıingi talaby qanaǵattandyrýsyz qaldyryldy. Óıtkeni kepildik ýaqyty ótip ketken», - delingen oblystyq sottyń habarlamasynda.
Sodan keıin azamat Ý. kólik tıesili kompanııany sotqa bergen. Munan soń isti appelıatsııalyq komıssııa qarady.
Sot otyrysynda anyqtalǵandaı, kóliktiń burynǵy ıesi jábirlenýshige buzylyp turǵan kóligin satqan. Osylaısha, sottyń sheshimi boıynsha, eski kólik jańaǵa aýystyryldy.
