Zań buzǵan qazaqstandyqtarǵa Ońtústik Koreıaǵa ótýge ruqsat berilmedi
ASTANA. QazAqparat - Kóshi-qon zańnamasyn buzǵan qazaqstandyqtardy Ońtústik Koreıaǵa ótkizýden bas tartty. Bul týraly «QazAqparat» HAA tilshisine Qazaqstan SІM baspasóz qyzmetinen habarlady.
«Keshe, 19 jeltoqsanda, Qazaqstan elshiliginiń járdemimen Almatyǵa 18 azamat jiberilgen. Qalǵandary búgin ushady», - dep habarlady Qazaqstannyń syrtqy saıası vedomstvosynan.
QR SІM atap ótkendeı, Qazaqstannyń barlyq azamattary - OQO turǵyndary. «Olardyń basym bóligi zańsyz qyzmetpen aınalysý maqsatynda Ońtústik Koreıaǵa barmaqshy bolǵan», - dedi Jaınaqov.
Budan buryn habarlanǵandaı, 18 jeltoqsanda, 23 qazaqstandyqty Ońtústik Koreıaǵa ótkizýden bas tartqan. QR azamattary Ońtústik Koreıadaǵy Inchhon áýejaıynda qalýǵa májbúr, sebebi olar Almatydan ushyp kelgennen keıin jergilikti kóshi-qon polıtsııasy elge kirgizbegen.
Qazaqstandyqtar Ońtústik Koreıaǵa týrıst retinde barǵandyqtaryn aıtýda. Alaıda koreı kóshi-qon polıtsııa qyzmetkerleri olarǵa senbegen.
