Zań biligine qatysty synaqtan sátti ótken memlekettik qyzmetkerlerdiń sany 15 paıyzǵa artty
ASTANA. QazAqparat - Zań biligine qatysty synaqtan sátti ótken memlekettik qyzmetkerlerdiń sany 15 paıyzǵa artyp otyr.
Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Memlekettik qyzmet isteri mınıstrligi Memlekettik qyzmet departamentiniń dırektory Álı Kómekbaev málim etti.
Onyń eske salyp ótkenindeı, 2016 jyldyń 1 qańtarynan bastap, «QR Memlekettik qyzmet týraly» jańa zań kúshine engen. Ol boıynsha kadrlardy irikteý barysyndaǵy qoldanylatyn synaqtyń jumysynda birqatar ózgerister jasaldy.
«Synaqtyń birqatar sheshimderi ózgertildi. Memleket basshysy irikteý barysynda úsh kezeńdik júıeni engizýdi tapsyrǵanyn bilesizder. Solardyń biri - zań bilimine qatysty synaq. Buryndary zańnyń árbirine shekti ball belgilenetin. Qazirgi ýaqytta ol ózgertildi - endi zańdyq blogtarǵa shekti baldar engizilgen. Eger buryndary árbir zańnan 15 suraqtyń ishinde keminde 10 suraqqa durys jaýap berý kerek bolǵan bolsa, qazir ol 5 balǵa túsirildi. Biraq jalpy 70 paıyzdyq meje qalyp otyr», - dedi ol.
