Zámzám sýyna telefon arqyly tapsyrys berýge bolady
ASTANA. 8 qańtar. QazAqparat - Mekke turǵyndary budan bylaı zámzám sýyna úılerinde otyryp, telefon arqyly tapsyrys berýlerine bolady.
Atalmysh qyzmet túri áıgili ál-Haram meshitiniń bas ımamy Abdýl Rahman ál-Sýdeıstiń maquldaýymen resmı túrde iske qosyldy, dep jazady muslim.kz. Telefon arqyly tapsyrys bergenderge tez arada jetkizilip otyratyn zámzám sýy arnaıy yqshamdalǵan qutylarǵa quıylyp, tasymaldanatyn bolady. Shahardaǵy qasıetti qos meshittiń basqarýshysy Ahmed ál-Mansýrıdiń aıtýynsha, qutylardaǵy qutty sý qajylyqqa kelgenderge dúısenbi jáne beısenbi kúnderi taratylyp otyrady. Sondaı-aq, ústimizdegi jyldyń Ramazan aıy boıy taratý jumystary kózdelip otyr.
