Zambııadaǵy qaıyrymdylyq sharasynda 8 adam aıaq astynda taptalyp mert boldy
ASTANA. QazAqparat - Zambııa astanasy Lýsakada 8 adamdy ajalǵa aıdaǵan qaıǵyly oqıǵa boldy, dep habarlady búgin 24.kz.
Telearna saıtynyń habarlaýynsha, Zambııa astanasyndaǵy qaıyrymdylyq qorlarynyń biri sport kesheniniń qasynda kedeı-kepshikke azyq-túlik taratyp jatqanda talasyp-tarmasqan adamdar qulap, aıaq astynda taptalyp qalǵan.
28 kisi jaraqat alǵan. Oqıǵa ornyna jetken polıtseıler sharaǵa jınalǵan halyqty kúshtep taratqan.
Jergilikti bıliktiń málimdeýinshe, qaıyrymdylyq sharasy ótken jerge 35 myńǵa jýyq jarly-jaqybaı jınalǵan. Al resmı sanaqqa júginsek, Zambııa halqynyń 60 paıyzy kedeıshilik kebin kıip júr.
