Zambııada týrıst pil shabýylynan mert boldy

ASTANA. KAZINFORM – Sáýirdiń 3-i kúni Zambııaǵa AQSh-tan barǵan qart týrıst pil shabýylynan qaıtys boldy.

The Mirror gazetiniń habarlaýynsha, oqıǵa Kafýe ulttyq saıabaǵynda bolǵan. Qaıǵyly jaǵdaı vıdeoǵa túsip qalyp, keıin áleýmettik jelilerde taraı bastaǵan. Kadrlardan janýardyń týrıster mingen kólikke júgirip baryp, ony aýdaryp jatqanyn kórýge bolady.

Pil shabýyl jasaǵan kezde kólikte alty týrıst pen bir gıd bolǵan. Olardyń tórteýi jaraqat aldy, taǵy bir saıahatshy aýrýhanaǵa jatqyzyldy. Al 80 jastaǵy amerıkalyq áıel jan tapsyrdy.

Týrıstik mekeme basshylyǵy kóliktiń tizginin ustaǵan tájirıbeli gıd joldy jaýyp turǵan ósimdikterdiń kesirinen pilden qashyp kete almaǵanyn alǵa tartyp otyr.