Zambııada kedeılerge azyq-túlik taratý kezinde segiz adam qaza tapty
ASTANA. QazAqparat - Zambııa astanasy Lýsakedegi sport kesheniniń kireberisinde jarlylarǵa azyq-túlik taratý barysynda oryn alǵan keptelisten kem degende segiz adam qaza tapty, dep habarlaıdy Reıter agenttigi polıtsııaǵa silteme jasap.
Polıtsııanyń deregi boıynsha, 35 myńǵa jýyq adam sport kesheniniń ǵımaratyna kirýge árekettengen.
«Jınalǵan halyqty tarattyq, osy másele boıynsha tergeý jumystary bastaldy», - delingen quqyq qorǵaý organdarynyń málimdemesinde.
Dúnıejúzilik Banktiń deregine súıensek, Zambııa halqynyń 60%-y kedeıshilikte ómir súrýde.
