Zambııa bıligi 2 myń sýsıyrdyń kózin qurtpaq
ASTANA. QazAqparat - Zambııa bıligi sýsıyrlardyń sanyn baqylaý baǵdarlamasynyń jańartylýy týraly jarııalady. Josparǵa sáıkes, elde eki myńǵa jýyq sútqorekti joıylady, dep habarlaıdy Reuters agenttigi.
Eldiń týrızm mınıstri Charlz Banda bul sheshimdi Lýangva ózeniniń tartylýymen túsindirgen. Ol sondaı-aq janýarlardy eldiń basqa aýdanyna tasymaldaý Zambııa bıýdjeti úshin qymbatqa túsetinin atap ótti.
Vedomstvo basshysynyń aıtýynsha, Ońtústik Lýangva ulttyq saıabaǵyn 13 myńnan astam sýsıyr mekendeıdi, alaıda bul aýmaq tek 5 myń sútqorektiniń ómir súrýine laıyqty. Olardyń osylaısha kóbeıýi ekojúıege qaýip tóndiredi.
