Zamanymyzdyń zańǵar tulǵasy, belgili jazýshyi Ábish Kekilbaev 75 jasqa toldy
1939 jyly 6 jeltoqsanda Mańǵystaý oblysy, Mańǵystaý aýdany, Ońdy aýylynda týǵan. Qazaq memekettik ýnıversıtetin bitirgen (1962). 1962-1965 jj. «Qazaq ádebıeti», «Jas Alash» gazetterinde ádebı qyzmetker, bólim meńgerýshisi, 1964-1968 jj. Qazaq KSR Mádenıet mınıstrliginde repertýarlyq-redaktsııalyq kollegııa múshesi qyzmetterinde boldy. 1970-1975 jj. «Qazaqfılm» kınostýdııasynda bas redaktor, 1975-1984 jj. Qazaqstan Kompartııasy OK mádenıet bóliminde nusqaýshy, sektor meńgerýshisi, 1984-1986 jj. Qazaq KSR Mádenıet mınıstriniń orynbasary, 1986-1988 jj. Qazaqstan Jazýshylar odaǵy basqarmasynyń 2-hatshysy, 1988-1990 jj. Qazaq KSR tarıh jáne mádenıet eskertkishterin qorǵaý qoǵamy Ortalyq Keńesi prezıdıýmynyń tóraǵasy. 1990 jyldan bastap Qazaqstan Kompartııasy OK bólim meńgerýshisi, Qazaq KSR Joǵarǵy Keńesiniń mádenıet, til jáne ultaralyq qatynastardy damytý jónindegi komıtetiniń tóraǵasy (1991), «Egemen Qazaqstan» gazetiniń bas redaktory (1992-1993), QR Memlekettik keńesshisi (1992-1993), QR Joǵarǵy Keńesiniń tóraǵasy (1994-1995), QR Parlamenti Májilisiniń depýtaty, komıtet tóraǵasy (1996-1996) bolyp istegen. 1996-2002 jj. QR Memlekettik hatshysy, 2002 jyldyń aqpanynan QR Parlamenti Senatynyń depýtaty boldy.
Ábish Kekilbaıuly búkil sanaly ǵumyryn, eseli eńbegin týǵan halqyna arnady. Qazaq ádebıeti men qazaq tiliniń damýyna orasan úles qosty.
Atap aıtqanda, zamanymyzdyń zańǵar sýretkeri Ábish Kekilbaev - ıisi qazaqtyń asyly da, maqtanyshy, ónegesi de taý tulǵasy. Ábish Jazýshyǵa berilgen ataq - tek qana Ábish aǵanyń ǵana emes, ádebı maıdanda qyzmet jasap júrgen, eńbek etip júrgen qaýymǵa berilgen baǵa dep aıtýǵa bolady.
Kórnekti memleket jáne qoǵam qaıratkeri, sóz óneriniń sardary, qazaq ádebıetiniń sańlaǵy maǵynaly ǵumyrynyń mazmundy shaqtaryn, ónegeli ómirbaıanynyń ómirsheń shekterin tabıǵı talantymen órnektegen, eńbek joldaryn halqynyń ǵumyrnamasymen órnektep bergen aıtýly daryn.
Alǵashqy óleńder jınaǵy («Altyn shýaq») 1962 jyly jaryq kórdi. Sodan beri proza, ádebı syn salasynda eleýli eńbek etip keledi. «Bir shókim bult» (1966), «Dala balladalary» (1968), «Tyraý-tyraý tyrnalar» (1973), «Bir ýys topyraq» (1974), «Qus qanaty» (1975), «Ballada stepeı» (1975), «Ballada zabytyh let» (1979), «Úrker» (1981), «Eleń-alań» (1984), «Martovskıı sneg» (1985),» Pleıady - sozvezdıe nadejdy» (1987), «Zamanmen suhbat» (1994), «Azattyqtyń aq tańy» (1998), t.b. áńgimeler men povesteri, esseler men romandary, ádebı-fılosofııalyq, pýblıtsıstıkalyq jınaqtary bar. Ol L.N.Tolstoı men K.Gotsıdyń, G.Mopassan men G.Ibsenniń, A.Chehov pen I.Býnınniń birqatar týyndylaryn qazaq tiline aýdarǵan. Nemistiń «Folk ýnd Velt» kitap baspasy júrgizgen saýalnama hattamasynda onyń esimi «XX ǵasyrdyń tańdaýly jazýshylary» tizimine engizilgen. Keńestik kezeńde Odaqtyq jazýshylar alqasynyń, halyqaralyq «Lotos» jazýshylar syılyǵy qazylar alqasynyń, ortalyq «Hýdojestvennaıa lıteratýra», «Drýjba narodov» baspalary redaktsııalyq alqalarynyń múshesi boldy, Azııa-Afrıka jazýshylary halyqaralyq komıtetiniń múshesine saılandy. «Abylaı han» dramasy Qazaq drama teatry sahnasynda qoıyldy. «Dúnıe ǵapyl», «Dala balladalary» (2 tom, 2001) kitaptary jaryq kórdi. «Úrker», «Eleń-Alań» romandar tsıkli úshin 1986 jyly Abaı atyndaǵy Memlekettik syılyǵyna ıe boldy. «Qurmet Belgisi» men «Otan» ordenderiniń, táýelsiz «Tarlan» syılyǵynyń ıegeri (2003).
Ábish Kekilbaevqa Qazaqstannyń Eńbek Eri, Otan ordeni, Nazarbaev ordeni, QR Táýelsizdigine 10 jyl medali, «Qurmet» belgisi ordeni, «Dostyq» ordeni, Qazaqstannyń Memlekettik syılyǵynyń ıegeri, Elbasynyń beıbitshilik jáne rýhanı kelisim syılyǵynyń ıegeri, Qazaqstannyń Halyq jazýshysy, Mańǵystaý oblysynyń qurmetti azamaty marapattary tapsyryldy.