Zamanaýı sybaılas jemqorlyqqa qarsy saıasatty zerdelep, qajettisin Qazaqstanda paıdalaný - mańyzdy is - Á.Baımenov
ASTANA. QazAqparat - QR Memlekettik qyzmet isteri mınıstrliginde «Qazirgi zamanǵy sybaılas jemqorlyqqa qarsy kúres: tájirıbe men jetistikter» taqyrybynda ǵylymı-tájirıbelik konferentsııa ótýde.
«Qazaqstan Táýelsizdigin jarııalap, Konstıýtsııalyq zań qabylǵan 25 jyldyń ishinde ózin demokratııalyq, zaıyrly, quqyqyqty jáne áleýmettik memleket retinde tanytty. Osy ýaqyt aralyǵynda kóptegen zań qabyldandy. Olar elimizdiń damýyna septigin tıgizip keledi. Sol quqyqtyq aktilerdiń qatarynda «Memlekettik qyzmet týraly» jáne «Sybaılas jemqoryqqa qarsy is-qımyl týraly» zańdar da bar. Búgin biz álemdegi zamanaýı sybaılas jemqorlyqqa qarsy saıasattaǵy tájirıbeler men jetistikterdi týraly oılarymyzben bólisetin bolatynbyz», - dedi shara jumysyn ashqan QR Memlekettik qyzmet ister mınıstriniń orynbasary Aıgúl Shımanova.
Sonymen qatar ol elimizde qoǵamdyq baqylaý ınstıtýtyn engizý, sybaılas jemqorlyqqa qarsy sharalardy kvazımemlekettik jáne jeke menshik sektorda júrgizý, sybaılas jemqorlyqqa qarsy mádenıet qalyptastyrý jáne sybaılas jemqorlyqpen kúres máseleleri boıynsha halyqaralyq yntymaqtastyqty nyǵaıtý jumystarynyń júrgizilip jatqandyǵyn basa aıtty.
Óz kezeginde Memlekettik qyzmet salasyndaǵy óńirlik habtyń Basqarýshy komıtetiniń tóraǵasy Álıhan Baımenov memlekettik apparatta halyq atynan bılik júrgizip, ortaq múlikti basqarý múmkindigin alǵannan bastap, osy ókilettik pen qarjyny salyq tóleýshiler men halyqtyń ıgiligine adal jáne ádil paıdalaný árdaıym ózekti másele bolyp otyrǵandyǵyn atap ótti.
«Sol sebepti sybaılas jemqorlyqqa qarsy kúres, osy keleńsiz úderisterdiń aldyn alý - barlyq memleketter úshin ózekti is. Bul baǵyttaǵy sharalar álemdegi ozyq jetistiktermen qatar naqty mádenı, tarıhı erekshelikterdi, áleýmettik-ekonomıkalyq damý deńgeıdi eskerý tıis. Sondyqtan da zamanaýı sybaılas jemqorlyqqa qarsy saıasat tetikterin zerdelep, onyń ishindegi qajettisin Qazaqstanda paıdalaný, memlekettik apparat aldyndaǵy Elbasymyz Nursultan Nazarbaevtyń qoıǵan mindetterin júzege asyrýda óte mańyzdy is bolyp sanalady», - dedi ol.
Konferentsııa jumysy barysynda jemqorlyqtyń aldyn alýdaǵy otandyq jáne halyqaralyq tájirıbe zerdelenip, Germanııa, Reseı, Sıngapýr jáne Grýzııa elderindegi sybaılas jemqorlyq jasaý múmkindikter men sharttaryn joıý tájirıbesi talqylanýda.
