Zamanaýı saýda formatynyń úlesi 4 paıyzdan aspaıdy - B.Saǵyntaev
ASTANA. 19 maýsym. QazAqparat - Birinshi toqsanda bólshek taýar aınalymy 12 paıyzǵa artty.
Bul týraly búgin Úkimet otyrysynda QR Ekonomıkalyq damý jáne saýda mınıstri Baqytjan Saǵyntaev málim etti.
«Birinshi toqsanda bólshek taýar aınalymy ótken jyldyń sáıkes kezeńine qaraǵanda 12 paıyzǵa artty, al kóterme taýar aınalymy 15,6 paıyzǵa joǵarylap otyr», - dedi mınıstr.
Jalpy taýar aınalymy kórsetkishiniń ósimine qaramastan, saýda sapasy damýynyń tómengi deńgeıi saqtalýda. Taýar aınalymynyń jartysy (49 paıyzy) bazarlardaǵy saýdaǵa tıesili bolyp otyr.
Sonymen qatar, zamanaýı saýda formattarynyń úlesi 4 paıyzdan aspaıtyn kórinedi, al damyǵan elderde bul kórsetkish 70 paıyzǵa jetip otyr.
Aıta keteıik, Іshki jalpy ónim qurylymynda ishki saýda úlesi turaqty deńgeıde saqtalýda jáne bul óz kezeginde 14,5 paıyzdy qurady. Búginde saýda salasynda barlyǵy 1 mln. 200 myńnan astam adam qamtylǵan. Bul halyqtyń ekonomıkalyq belsendi bóliginiń 15 paıyzǵa jýyq deńgeıinde.
