Zamanaýı Qazaqstan sýretshileriniń týyndylary jınaqtalǵan katalog jaryq kórdi
ASTANA. QazAqparat - Búgin Astana Ulttyq akademııalyq kitaphanasynda Zamanaýı Qazaqstan sýretshileri ıllıýstratsııalaǵan katalogtyń tusaýkeseri bolyp ótti, dep habarlaıdy QazAqparat.
Kitapqa "Jahandyq álemdegi zamanaýı Qazaqstan mádenıeti" jobasynyń aıasynda iriktelgen 60 avtor men 180 týyndy endi.
Mádenıet jáne óner isteri jónindegi departament dırektory Ábil Jolamanov qazirgi zamannyń úzdik sýretshilerin jınaǵan katalogty tanystyryp, bul jobaǵa shyǵarmashylyq qaýymnyń qyzyǵýshylyǵy zor ekendigin atap ótti.
«Jınaqqa engen týyndylar halyqaralyq jáne respýblıkalyq deńgeıdegi sarapshy mamandardyń baǵalaýymen iriktelip, tańdalǵan. Bastapqyda sarapshylarǵa 254 avtordyń 500-den asa jumysy usynylǵan. Solardyń ishinde oza shapqan úzdik 180 týyndy kitapqa engizilgen», - dedi Qazaq ǵylymı-zertteý mádenıet ınstıtýtynyń dırektory, fılosofııa ǵylymdarynyń doktory Hazbýlatov Andreı. 
Sarapshylar quramynda T.Júrgenov atyndaǵy QazUÓA-nyń professory, ónertaný kandıdaty Olga Batýrına jáne ónertaný kandıdaty, pedagogıka ǵylymdarynyń doktory Madına Sultanova syndy mamandar bar.
Merekelik sharaǵa qatysqan ıÝNESKO klýbtarynyń Qazaq Ulttyq Federatsııasynyń vıtse-prezıdenti Serkan Aıazbaev: «Bul zamanaýı Qazaqstan ónerin tanımyn deýshilerge tamasha ádisteme bolatyndyǵyna senimdimin. Dala rýhyn taný úshin onyń tilin bilýden góri, mádenıeti men adamdarynyń ishki jan-dúnıesin uǵý qajet», - dep atap ótti.
Sonymen qatar, bul jobaǵa belsene atsalysqan barlyq óner ıelerine sáttilik tiledi. 
