Zamanaýı qalalar úshin qarapaıym ataýlardy tańdaǵan durys – sáýletshi
NUR-SULTAN. QazAqparat – Zamanaýı qalalar úshin qarapaıym ataýlardy tańdaǵan durys. Astananyń burynǵy ataýy eýropalyqtarǵa da, azııalyqtarǵa da túsinikti bolatyn. Mundaı pikirdi Halyqaralyq sáýletshiler akademııasynyń múshesi Saǵyndyq Janbolatov bildirdi, dep habarlaıdy QazAqparat tilshisi.
«Elordanyń burynǵy ataýy búkil álemge tanymal boldy. Ol aıtýǵa jeńil edi. Zamanaýı qalalar úshin qarapaıym ataýlardy tańdaǵan durys. Astana - eýropalyqtar men azııalyqtar úshin de túsinikti bolatyn. Bul - ádemi ataý», - dep atap ótti sáýletshi.
Aıta keteıik, Saǵyndyq Janbolatov bas shahardyń qurylysyna belsendi qatysqan cáýletshilerdiń biri.
«Qalany biz bárimiz saldyq. Qurylysshylar men sáýletshiler elorda qurylysyna belsendi qatysty. Qala óte sulý. Biz elorda qurylysyna úlken ynta qoıdyq. Sondyqtan barlyǵy este qaldy», - dedi Saǵyndyq Janbolatov.
Eske salaıyq, búgin depýtattardyń elordaǵa Astana ataýyn qaıtarý usynysy Memleket basshysynyń kelisimimen Konstıtýtsııalyq zań jobasyna engizildi.
Foto: massaget.kz
