13 shetel azamaty shekarany buzǵany úshin ustaldy - UQK

ASTANA. KAZINFORM - UQK Shekara qyzmeti Memlekettik shekarany kúzetý men qorǵaýdy qamtamasyz etý aıasynda qańtarda quzyrly organdarmen ózara árekettese otyryp, birqatar zańbuzýshylyqty anyqtady.

Atap aıtqanda, shekara keńistiginde 2 776 Qazaqstan Respýblıkasynyń zańnamalaryn buzýshy ustaldy. Sonyń ishinde 13 shetel azamaty shekarany buzǵany úshin ustaldy, 19 shetel azamatymen shekarany buzý áreketteriniń joly kesildi.

Memlekettik shekara arqyly 881 zańsyz alyp ótý faktileriniń aldyn aldy. Sonyń ishinde 50 esirtki zattary bar, onyń jalpy salmaǵy – 3,3 kg. Munymen qosa 25 atý qarýy men oq-dáriler (15 dana atý jáne 1 451 dana sýyq qarý, 101 dana oq-dáriler); 47 – dinı ádebıet (1 757 dana); 281 – jalpy somasy 9 mln teńgeden asatyn janar-jaǵarmaı materıaldary (37 600 lıtr); 408 – jalpy somasy 1,2 mlrd teńgeden astam halyq tutynatyn taýarlar; 70 – jalpy somasy 940 mln teńgeden astam valıýta.

Kaspıı akvatorııasynda 2 brakonerlik faktiniń aldyn aldy. Sondaı-aq jalpy uzyndyǵy 900 m tor bolatyn brakonerlik aýlaý quraldary 3 dana (12 kg) bekire tuqymdas balyq, 2 danaıtbalyq. Aldyn alǵan zalal somasy – 6 mln teńge. Bul faktiler boıynsha materıaldar buzýshylardy jaýapkershilikke tartý úshin quqyq qorǵaý jáne sot organdaryna jiberildi.

Memlekettik shekarada qandaı da bir shekteý sharalary engizilgen joq. Barlyq ótkizý pýnktteri shtattyq rejımde jumys istedi.