Zalal 1,2 mlrd teńge: Almatyda kólikterdi zańsyz tirkeý isi boıynsha úsh adam sottaldy
ASTANA. KAZINFORM — QMA Almaty qalasy boıynsha departamenti kólik quraldaryn zańsyz tirkeý faktisi boıynsha tergeýdi aıaqtady.
Úsh jyl boıy bir top adam Almaty qalasyndaǵy Arnaıy halyqqa qyzmet kórsetý ortalyǵynyń qyzmetkerleriniń kómegimen kólikterdi bastapqy tirkeý úshin belgilengen alymdardy tólemeı, jalǵan tirkeý júrgizip otyrǵan.
Shema uıymdastyrýshylary alym tóleýden jaltarǵysy keletin avtokólik ıelerin izdegen deldaldar arqyly áreket etken.
Zańsyz áreketterdi jasyrý maqsatynda kólikter jalǵan tulǵalardyń atyna rásimdelgen.
Arnaıy halyqqa qyzmet kórsetý ortalyǵynyń qyzmetkerleri aqparattyq júıege jalǵan málimetter engizip, kólik quraldaryn zańsyz tirkeýdi qamtamasyz etken.
Nátıjesinde 132 avtokólik zańsyz tirkeýge qoıylylyp, memleketke 1,2 mlrd teńgeden astam zalal keltirilgen.
Tergeý barysynda 273 mln teńge kólemindegi alymdar erikti túrde óteldi.
Sot úkimimen úsh kináli 3 jyldan 4 jyl 6 aıǵa deıingi merzimge bas bostandyǵynan aıyryldy, sondaı-aq qylmystyq jolmen alynǵan 7 avtokólik tárkilendi.
Úkim zańdy kúshine endi.
Aıta ketelik Qyzylordada jalǵan qujatpen balyq eksporttaǵandar 2 jylǵa sottalǵan edi.