Zaharova: Reseıdiń AQSh-pen baılanysy 13 naýryzda bastalýy múmkin
ASTANA. KAZINFORM - Reseı Syrtqy ister mınıstrliginiń resmı ókili Reseıdiń amerıkalyq tarappen Djıddadaǵy kelissózder nátıjesin talqylaýǵa daıyn ekenin atap ótti, dep habarlaıdy TASS.
Reseı Syrtqy ister mınıstrliginiń resmı ókili Marııa Zaharova brıfıngte AQSh pen Ýkraınanyń Saýd Arabııasyndaǵy kelissózderinen keıin Reseıge eshqandaı resmı ótinish túspegenin atap ótti.
– Biz 11 naýryzda Djıddada ótken AQSh pen Ýkraına ókilderiniń kezdesýin jiti baqylap, qadaǵalap otyrmyz. Jıyn qorytyndysy boıynsha qabyldanǵan, túrli oılardan turatyn málimdememen tanystyq. Qazirgi ýaqytta bul másele boıynsha bizge resmı ótinish túsken joq, - dedi Zaharova.
– Biz óz tarapymyzdan amerıkalyq tarappen aldaǵy baılanys barysynda onda aıtylǵan bastamalardy talqylaýǵa daıyn bolamyz. Ol tipti búgin bolýy múmkáin. Bizde olardyń nátıjesi týraly mindetti túrde habarlaımyz, - dep atap ótti RF SІM resmı ókili.
Buǵan deıin Ýkraına prezıdenti keńsesiniń basshysy Andreı Ermak Saýd Arabııasyndaǵy ýkraınalyq jáne amerıkalyq delegatsııalar arasyndaǵy kelissózderden keıin jýrnalısterge atysty toqtatý týraly talqylaý kelesi aptada bastalatynyn aıtqan.
Djıddada AQSh pen Ýkraına kelissózderi qalaı ótkeni týraly Kazinform agenttiginiń maqalasynan oqyńyz.