Zagrebtegi Gran-prı: Qazaqstan quramasy alǵashqy kúni úsh medal ıelendi

ASTANA. KAZINFORM — Qazaq dzıýdoshylary Zagrebte ótip jatqan Gran-prı týrnıriniń alǵashqy kúni bir altyn men eki kúmis medal jeńip aldy, dep habarlaıdy UOK baspasóz qyzmeti.

Qazaqstandyq dzıýdoshy Nurqanat Serikbaev halyqaralyq Gran-prıde altyn medal jeńip aldy
Foto: UOK

Dzıýdodan Qazaqstan quramasy Horvatııa astanasy Zagrebte ótip jatqan Gran-prı týrnıriniń alǵashqy kúni 3 medal jeńip aldy.

Nurqanat Serikbaev (-66 kg) fınalda brazılııalyq Ronald Lımany tize búktirip, altynnan alqa taqty.

Sondaı-aq altyn júlde úshin Aman Baqytjan (-60 kg) men Ǵalııa Tynbaeva (-48 kg) beldesti. Alaıda sheshýshi synda Aman taıpeılik ıAng ıÝng Veıge ese jiberse, Tynbaeva ıtalııalyq Assýnta Skýttoǵa jol berdi.

Osylaısha, qos sportshymyz kúmis júldeger atandy.

Osyǵan deıin Erasyl Qajybaev Zagrebtegi Gran-prı týrnırinde qola júldege talasatynyn jazǵanbyz.