Zaǵıpa Balıeva: ÚEU-lardy balalar úıine jolatpaý kerek

ASTANA. QazAqparat - Qazaqstan Respýblıkasyndaǵy Bala quqyqtary jónindegi ýákil Zaǵıpa Balıeva Aqtóbe oblysyndaǵy vıdeokonferentsııada balalar úıine úkimettik emes uıymdardy jaqyndatpaý kerektigin aıtty etti, dep habarlaıdy «QazAqparat» HAA tilshisi. 

«Men «Analar úıine» bardym - onda órt satysy joq. Sanıtarlyq-epıdemıologııalyq jaǵdaıy da máz emes. «Ana úıi» qorynyń barlyq balalar úıi jeke sektorlarda ornalasqan. Ol úılerde eń kóbi 10 otbasy múshesi tura alady. Olar ǵımaratty metsenattardyń arqasynda jaldap turýda, biraq ol úılerge balalary bar 30-ǵa jýyq ana ornalastyrylyp jatyr. Eki-úsh qabatty jeke úıler. Órt satysy da, qosymsha shyǵar esik te joq. Barlyǵy bir nemese eki jýynatyn bólmeni qoldanyp jatyr», - dedi Z.Balıeva.

Ombýdsmenniń aıtýynsha, ol Bilim jáne ǵylym mınıstrligine osyndaı úılerde turý talaptaryn jasaý qajettigi týraly hat jazǵan.
Z.Balıeva qazirgi tańda balalary bar áıelderdi ornalastyrý úshin «sábıler úıinde» qajetti oryn bar ekendigin atap ótti.

«Men Balalar quqyǵyn qorǵaý komıtetinen taǵy da suraımyn - bir de bir balalar úıinde balalar úıi ujymynan basqa, qandaı da bir qorlar, úkimettik emes uıymdar, basqa da uıymdar bolmaýy kerek», - dep atap ótti Z.Balıeva.