Zaǵıpa Balıeva sýıtsıdke qarsy balalar qozǵalysyn qurýdy usyndy
«Sýıtsıd boıynsha 2017 jáne 2018 jyldyń alǵashqy 4 aıyna taldaý júrgizip kórdim. 2017 jyldyń basynda 64 sýıtsıd oqıǵasy tirkelse, 2018 jyly - 49. ıAǵnı, balalar men jasóspirimder aasyndaǵy sýıtsıd 23 protsentke tómendegen. Ózine-ózi qol salýǵa árekettený boıynsha, 2017 jyldyń 4 aıynda - 158 jaǵdaı, al 2018 jyly - 107 jaǵdaı tirkelgen. Ózine-ózi qol salý áreketi 32 protsentke tómendegen», - dep atap ótti Ombýdsmen «Balalarǵa arnalǵan ádil sot: nátıjeler, ınnovatsııalar jáne odan ári damýy» konferentsııasynda.
Balıeva bul kórsetkishke erte qýanbaýdy, balalar arasyndaǵy sýıtsıdti tolyq joıǵansha jumys isteý qajettigin aıtty jáne 2017 jyly 114 balanyń sýıtsıdten qutqarylǵanyn eske saldy.
«Qazir bul balalar - bizdiń dostarymyz, bizben birge jumys isteıdi. Bálkim, bolashaqta jasóspirimder arasyndaǵy sýıtsıdtik raıdyń aldyn alatyn qoǵamdyq balalar qozǵalysyn quratyn shyǵarmyz», - dep óz sózin tolyqtyrdy Zaǵıpa Balıeva.
Buǵan deıin Ombýdsmen Qazaqstanda balalardyń quqyqtary men mindettemeleri júıelenetin jańa Balalar kodeksi ázirlenip jatqanyn habarlaǵan edi.
