Zaǵıpa Balıeva psıhologtar máselesi týraly aıtty
NUR-SULTAN. QazAqparat - Qazaqstandaǵy erekshelikterdi jaqsy biletin psıhologtar jetkiliksiz. Bul týraly Senatta múmkindigi shekteýli balalardy áleýmettik qorǵaý taqyrybyna arnalǵan dóńgelek ústel otyrysynda Parlament Májilisiniń depýtaty Zaǵıpa Balıeva málim etti, dep habarlaıdy QazAqparat tilshisi.
«Búginde elimizde bilikti psıhologtar jetkiliksiz. Atap aıtqanda, Máskeý nemese Sankt-Peterbýrg mektepteri bar, al qazaqstandyq qoǵamǵa beıimdelip daıyndalǵan pedagog-psıhologtar bizde tapshy. Osy oraıda, Bilim jáne ǵylym mınıstrligi osyǵan nazar aýdarýy tıis. Qazirgi kezde joǵary oqý oryndary akademııalyq derbestik aldy. Oqý oryndaryna tıisti baǵdarlamany ázirleýge tapsyrma berý kerek. Negizi, ǵalymdar men ǵylymı eńbekter bar», - dedi Z. Balıeva.
Sonymen qatar, depýtat aıryqsha bilim berýdi qajet etetin balalarmen jumys isteý úshin oqytýshy-mamandardy daıarlaý kerektigin atap ótti.
«Psıhıkalyq densaýlyqty qorǵaý baǵdarlamalardy qabyldaý qajettigi bar, sondaı-aq sýıtsıdtik minez-qulyqqa beıim jasóspirimderdiń qajettilikterin qanaǵattandyrý úshin arnaıy oqytylǵan mektep psıhologtarynyń qyzmetin usynýdy qamtamasyz etý kerek», - dedi Zaǵıpa Balıeva.
