Zaǵıpa Balıeva: Elbasy aıtqan áleýmettik bastamalar jedel iske asýy ábden múmkin

ASTANA. QazAqparat - ««Nur Otan» partııasynyń burynnan bergi jáne bıylǵy baǵdarlamalarynyń basty baǵyty - áleýmettik baǵyt bolyp keledi. Parlament Májilisiniń depýtaty Zaǵıpa Balıeva «Nur Otan» partııasynyń kezekti XVIII sezinde aıtylǵan Prezıdenttiń áleýmettik bastamalary týraly óz pikirin bildirdi, dep habarlaıdy QazAqparat tilshisi.

«Nur Otan» partııasynyń burynnan bergi jáne bıylǵy baǵdarlamalarynyń basty baǵyty - áleýmettik baǵyt bolyp keledi. Dástúrden aınymaǵan partııa búgingi baǵdarlamasynda da áleýmettik salaǵa - qazaqstandyqtardyń ómir sapasyn arttyrý jumysyna erekshe nazar aýdaryp otyr. Oǵan kóz jetkizý úshin bizdiń partııanyń sońǵy 20 jyldaǵy baǵdarlamalary men doktrınalaryn sholyp shyqsańyz jetkilikti», - deıdi májilismen.

Depýtattyń aıtýynsha, áleýmettik salaǵa baılanysty bastamalar tez iske asyrylýy múmkin.

«Álbette, halyqtyń daýysy, talaby men tilegi - tyńdaldy. «Nur Otan» partııasy osynaý el ishindegi máselelerdi taldap, elep-ekshep óz baǵdarlamasyn usynyp otyr. Bálkim, búgin aıtylǵan keıbir baǵdarmalar, atap aıtqanda, járdemaqyny arttyrý, baspana boıynsha tómen paıyzben nesıe berý sekildi jedeldetilgen sıpatta júzege asýy ábden múmkin», - deıdi Zaǵıpa Balıeva.

Aıta ketsek, búgin elordadaǵy Táýelsizdik saraıynda Elbasy Nursultan Nazarbaevtyń tóraǵalyǵymen «Nur Otan» partııasynyń kezekti XVIII sezi ótti. Jıynda Memleket basshysy halyqty qoldaýǵa arnalǵan birshama áleýmettik bastamalar týraly sóz qozǵaǵan bolatyn.