Zaǵıpa Balıeva: Balalardyń óz-ózine qol jumsaý jaǵdaıy OQO-da kóp tirkeledi
Aıta ketsek, BUU Balalar Qory (ıÝNISEF) Qazaqstanda balalarǵa qarsy zorlyq-zombylyqtyń aldyn alý jəne zańǵa tartylǵan balalardyń məselelerin sheshý úshin eki kommýnıkatsııalyq naýqandy bastady. Kommýnıkatsııalyq jobalar bala tərbıesi məselesinde qoǵam men ata-analardyń təjirıbesindegi ədis-amaldardy, jaısyz əleýmettik normalardy ózgertýge baǵyttalǵan. Birinshi kommýnıkatsııalyq kampanııa jas ata-analardyń, sondaı-aq osy məselege kelgende zorlyq-zombylyqqa jol bermeý amaly boıynsha qoǵamnyń bilim-biligin arttyrýdy kózdeıdi. Al ekinshi kampanııa zańǵa tartylǵan balalardyń quqyǵyn qorǵaýǵa baǵyttalǵan. Kommýnıkatsııalyq kampanııa Qazaqstannyń alty oblysynda, atap aıtqanda Astana men Almaty qalalarynda, ShQO, OQO, Aqtóbe, Mańǵystaý, Qyzylorda oblystarynda bastalady.
«Atalmysh oblystardy tekten-tekke tańdap otyrǵan joqpyz. Jylma-jyl kórsetkishterge qatysty balalardyń óz-ózine qol jumsaý jaǵdaıyn naqty sanmen aıtyp bere alamyn. Qaıǵyly jaǵdaılar boıynsha Mańǵystaýda bir jaǵdaı, Qyzylordada bes jaǵdaı tirkelgen. Búkil Qazaqstanda 167 jaǵdaı oryn alǵan. Sýıtsıd jaǵdaıynyń eń kóbi Ońtústik Qazaqstanda tirkelgen. Jobaǵa Almaty men Astanany tańdap alǵan sebebimiz - ekeýi de flagman. Jaǵdaı turaqty bolsa da, eki iri qalada qaıǵyly jaǵdaılar tirkelip turady», - deıdi Zaǵıpa Balıeva Astanada ótken jıynda.
Májilismen balalarǵa arnalǵan klýbtar men úıirmeler jetkilikti bolǵanymen, jas jetkinshekter nelikten mundaı qadamǵa baryp jatatynyn ózekti másele retinde kóterdi. Sonymen qatar, ol balalarǵa qarsy zorlyq-zombylyq jaǵdaıy boıynsha kórsetkishti keltirdi.
«Eń kóp qaıǵyly jaǵdaı bul sanatta da OQO-da tirkeldi. Ol óńirde eń kóp halyq pen balalar turatyndyqtan, biz osy jobalarǵa Ońtústik Qazaqstandy qosyp otyrmyz. Mańǵystaý oblysyn jaǵymdy tájirıbe retinde naýqanǵa engizdik. Óńirlerdiń kórsetkishterin salystyra otyryp, búkil Qazaqstanda osy jobany júzege asyratyn bolamyz», - deıdi Zaǵıpa Balıeva.
