Zaǵıpa Balıeva áleýmettik jelilerde balalarǵa tóngen qater týraly eskertti

ASTANA. QazAqparat - Qazaqstannyń Bala quqyqtary jónindegi ýákili Zaǵıpa Balıeva áleýmettik jelilerdegi qaýip-qater týraly eskertý jasady, dep habarlaıdy QazAqparat.

«Maǵan «VKontakte» jelisinde balalardy ózine-ózi qol jumsaýǵa shaqyratyn toptar qaıtadan paıda bolyp jatyr» degen úreıli habarlamalar kelýde. Quqyq qorǵaý organdary bul máselemen aınalysýda. Alaıda atalǵan toptardy anyqtaý men olardy buǵattaý sharalary qandaı da bir ýaqytty qajet etedi. Osyǵan baılanysty qoǵamnan kómek suraımyn, ıaǵnı sizder osyndaı top týraly bilip jatsańyzdar, ol jaıynda birden organdarǵa habarlańyzdar», - dep jazdy Z. Balıeva Feısbýkte.

Osy oraıda balalar ombýdsmeni «Sınıı kıt» toby jaıynda eske sala kele, solardyń kesirinen TMD elderinde birneshe bala ajal qushqanyn jetkizdi.

«Nátıjesinde, ony uıymdastyrǵan adam ustaldy, sonymen qatar ol jasóspirim ekeni de anyqtaldy. Ol úshin bul tek oıyn bolǵan (...) qazirgi kezde baılanys operatorlary «ata-ana baqylaýy» atty qyzmetti usynyp keledi. Sondyqtan da osy qyzmetti paıdalaný múmkindigin de qarastyryńyzdar», - dep keńes berdi Zaǵıpa Balıeva.