Zaǵıpa Balıeva 7 jasar balaǵa qatysty oqıǵa boıynsha úndeý jasady
ASTANA. QazAqparat - Qazaqstan Respýblıkasyndaǵy Bala quqyqtary jónindegi ýákil, Parlament depýtaty Zaǵıpa Balıeva OQO-da 7 jasar balany urý jáne zorlaý oqıǵasyna qatysty pikir bildirdi, dep habarlaıdy QazAqparat.
«Ońtústik Qazaqstan oblysyndaǵy balanyń jaǵdaıyna qatysty ishki ister basqarmasy bastyǵymen tikeleı baılanysqa shyqtym. Meniń ótinishim boıynsha ol balanyń ájesimen kezdesti. Sonymen qatar ol jerge osy oqıǵaǵa qatystylardyń barlyǵymen kezdesý úshin monıtorıngtik topty da jiberdim. Qabyldanǵan sheshimge sáıkes, monıtorıngtik toptyń balamen jáne onyń ájesimen kezdesýinen keıin, aldaǵy aptada jetkinshek osynda jetkiziledi. Biz tolyqqandy ári keshendi saraptama júrgizemiz jáne onyń nátıjesi boıynsha shara qabyldanady. Barlyq jumystardy zańdy negizde atqaramyz. Eger de saraptama zorlyq-zombylyqty rastasa, tıisti sharany qabyldanýy tıis. ıAǵnı qoǵamdy jańylystyrǵan barlyq laýazym ıelerin jaýapkergshilikke tartý úshin Іshki ister mınıstrligine, Bas prokýratýraǵa úndeý joldaımyn», - dedi Z. Balıeva tilshilerge bergen suhbatynda.
Sonymen qatar ol balanyń ájesi osyndaı faktiler boıynsha 2016 jyly da shaǵymdanǵanyn jekizdi.
«Sondyqtan da 2016 jylǵy materıaldardy da kóterýdi suradym. Nege sol kezde problemaǵa tıisti deńgeıde nazar aýdarmaǵan? Men barsha ata-analarǵa úndeý jasaǵym keledi. Óıtkeni bala úshin qaýipsiz álemdi qurý ata-ananyń birinshi maqsaty. Jyl basynan beri balalarǵa qatysty túrli jaǵdaılar bolyp jatqany alańdatyp otyr», - dedi Zaǵıpa Balıeva.
Eske sala keteıik, áleýmettik jelide «Abaı aýylyndaǵy mektepterdiń birinde 7 jasar balany joǵary synyp oqýshylary birneshe ret zorlaǵan» degen aqparat taraǵan bolatyn. Jetkinshektiń ájesi quzyrly organdarǵa aryzdanǵanymen, ol bul jaıtqa qatysty tergeý sharalary júrgizilmegenin aıtyp shaǵymdanǵan edi.
