Zaǵıp jigit pen sal aýrýǵa shaldyqqan boıjetken taý shyńdaryn birge baǵyndyrady
NUR-SULTAN. QazAqparat - Múmkindikteri shekteýli bolǵanyna qaramastan Trevor Han men Melanı Kneht saıahattaǵandy jaqsy kóredi. Melanı ómirge kelgen kezde omyrtqa jotasynda jaryqshaq bolǵan. Áıel múgedekter arbasyna tańylǵan, al Trevor bes jyl buryn glaýkoma saldarynan kóz janarynan aıyryldy. Biraq, bul dostardyń birge saıahattaýyna esh kedergi keltirmeıdi, dep habarlaıdy euronews.com.
Trevor saıahattaý kezinde Melanıdi arqalap alady. Olar birge Kolorado shyńyn baǵyndyryp, Vaıomıngtegi Grand-Tıton ulttyq parkin aralady. Trevor men Melanı saıahatta túsken sýretterin áleýmettik jelilerde turaqty túrde jarııalap otyrady.
«Biz birge shynaıy komandamyz», - deıdi Melanı. «Melanıdiń kúlkisi – bárinen artyq. Osy sátte meniń ómirimde maqsat paıda bolady», - dep aq júreginen aqtarylady Trevor.
Qazir dostar saıahattyń múmkindigi shekteýli jandar úshin qolaıly bolýy úshin kúresip jatyr.
«Eger Trevor kórmeı qalsa, ol tabıǵattyń ásemdigine súısine almaıdy degen sóz emes. Trevor kóz janary sekildi basqa da sezimderimizdiń kúshti ekenin eske salyp otyrady. Kelesi joly kóshede ketip bara jatqanyńyzda kózińizdi jumyńyzshy», - dep keńes berdi eki dos.
