Zaǵıp jigit Astana marafonynda on shaqyrym qashyqtyqqa júgirdi
ASTANA. QazAqparat - Elordada qaıyrymdylyq maqsattaǵy iri halyqaralyq Astana marafonyna Almatydan kelgen kózi kórmeıtin Aıtbek Aýylbaev qatysty.
«Qolyńnan kelgenin iste jáne múmkindigińniń kókjıegin keńeıt»,-dep jazylǵan atalǵan er azamattyń Instagram paraqshasynda.
Ol Astanaǵa sporttyq sharany uıymdastyrýshylardyń shaqyrýymen kelgen. «Aıtbek Aýylbaev 10 shaqyrym qashyqtyqty júgirip ótti»,-deıdi uıymdastyrýshylar.
Máre syzyǵyn qıyp ótkennen keıin Aýylbaev óziniń fotosýretin áleýmettik jelige ornalastyryp, «osy qashyqtyqty eńserýge qaýqarly bolǵanymyzǵa óte qýanyshtymyn» dep jazǵan eken.
