Zaǵıp jáne kózi nashar kóretin jandardy qajetti quraldarmen qamtamasyz etý máselesin sheshý kerek
ASTANA. 16 mamyr. QazAqparat - Kózi nashar kóretin azamattar úshin oqýlyqtar shyǵarý tıisti deńgeıde bolmaı otyr.
Bul týraly búgin Astanada kózi nashar kóretin azamattarǵa tehnıkalyq jáne aqparattyq qoldaý kórsetýge arnalǵan semınarda «Áleýmettik beıimdeý jáne kásibı eńbekpen ońaltý» ortalyǵynyń bas dırektory, professor Roza Súleımenova málim etti.
«Búgingi semınardyń maqsaty zaǵıp jáne kózi nashar kóretin jandardy qajetti aqparatpen qamtamasyz etip, tıisti keńester jasap, qordalanǵan problemalardy QR Eńbek jáne halyqty áleýmettik qorǵaý mınıstrligi ókilderimen birlese talqylaýǵa negizdelgen. Óıtkeni, kózi nashar kóretin balalar men stýdentterge jáne osy sanattaǵy múmkindigi shekteýli azamattar úshin jýrnaldardy oqıtyn jaǵdaı joq. Olarǵa arnalǵan oqýlyqtar shyǵarý múmkindikteri bolmaı otyr. ıAǵnı, qajetti baspa tapshy»,-dedi ortalyq basshysy.
Onyń paıymdaýynsha, búginde ozyq tehnologııalardy paıdalana otyryp, zaǵıp jáne kózi nashar kóretin jandardyń jaǵdaıyn jasaýdyń múmkindigi az emes. Biraq elimizde buǵan tıisti deńgeıde nazar aýdarylmaýda.
«Atap aıtqanda, kózi nashar kóretin azamattardy tıisti deńgeıde qajetti quraldarmen qamtamasyz etý kerek. Bul baǵytta elimizde qarjy bólinedi, alaıda bul quraldardyń tizbesi óte qysqa jáne durys berilmeıdi. Osy oraıda bundaı quraldardy berý jaǵdaıynyń erejesi bolýy tıis. Sebebi, oqyp júrgen balaǵa tıisti bólek quraldar, sondaı-aq zeınettegi adamǵa basqa jabdyqtardy saralaý qajet. Bizde osynyń tizimi durys jasalmaǵan»,-deıdi R. Súleımenova.
